៥ជំហាន ដោះស្រាយលំហាត់រូបវិទ្យា មិនខ្លាចបាត់ពិន្ទុសម្រាប់សិស្សបាក់ឌុប
- 2017-08-15 03:38:43
- ចំនួនមតិ 0 | ចំនួនចែករំលែក 0
៥ជំហាន ដោះស្រាយលំហាត់រូបវិទ្យា មិនខ្លាចបាត់ពិន្ទុសម្រាប់សិស្សបាក់ឌុប
ចន្លោះមិនឃើញ
សល់ពេលមិនដល់មួយអាទិត្យទៀតទេ ការប្រឡងមធ្យមសិក្សាទុតិយភូមិ ឬបាក់ឌុប នឹងឈានចូលមកដល់ ជាមួយគ្នានេះ ប្អូនៗដែលជាបេក្ខជនប្រឡង បានត្រៀមខ្លួនហើយឬនៅ សម្រាប់ថ្ងៃដ៏ពិសេសនេះ។ ដោយឡែក ថ្ងៃនេះ Sabay សូមពាំនាំជំហានសំខាន់ៗក្នុងការដោះស្រាយលំហាត់រូបវិទ្យាពីលោកគ្រូ អ៊ាង ពិសី ជំនាញផ្នែករូបវិទ្យានៃវិទ្យាល័យព្រះស៊ីសុវត្ថិ ដោយលោកគ្រូបានប្រាប់ពីវិធីធ្វើសំណេរលំហាត់ឲ្យមានរបៀបតាម ៥ជំហាន ដល់សិស្សត្រូវអនុវត្ត មានដូចជា៖
ជំហានទី១. យល់ពីបាតុភូត
លោកគ្រូអះអាងថា ការសរសេរតាមជំហានទាំងនេះ នឹងជួយឲ្យសិស្សទទួលបានពិន្ទុខ្លះ បើទោះបីធ្វើមិនត្រូវក៏ដោយ។ ម្យ៉ាងលោកគ្រូរំឮកថា មុននឹងចាប់ផ្ដើមធ្វើសំណេរលំហាត់ សិស្សត្រូវអានឲ្យយល់ប្រធានលំហាត់ និងត្រូវដឹងពីបាតុភូតក្នុងលំហាត់ជាមុនសិន។
**ជំហានទី២. និមិត្តសញ្ញា (Symbol)**
បន្ទាប់ពីយល់ប្រធានថាវាជាបាតុភូតអ្វីហើយ សិស្សត្រូវស្រង់សម្មតិកម្ម និងត្រូវស្គាល់ពីនិមិត្តសញ្ញា ថាតើនិមិត្តញ្ញាទាំងនេះ អាចប្រើរូបមន្តមួយណាត្រឹមត្រូវ។ ឧទាហរណ៍ គេឲ្យនិមិត្តសញ្ញា(β) តំណាងឲ្យអ្វីជាដើម និងមានរូបមន្តប៉ុន្មានអាចប្រើបាន។
ជំហានទី៣. រូបមន្ត (Formula)
ការជ្រើសរើសរូបមន្ត ត្រូវមើលទៅលើសម្មតិកម្មដែលមានក្នុងប្រធាន។ ត្រង់ចំណុចនេះ សិស្សត្រូវរកនឹករូបមន្តដែលត្រឹមត្រូវបំផុត និងសរសេរតាមរូបមន្តចូលក្នុងសំណេរលំហាត់។
ជំហានទី៤. ខ្នាត (Units)
ខ្នាតជាចំណុចពិសេស ក្នុងការដោះស្រាយលំហាត់ឲ្យបានលឿន។ មានន័យថា សិស្សត្រូវចងចាំខ្នាតទាំង ៦ ពិសេសៗ ដែលមានគ្រប់លំហាត់រូបវិទ្យាជាង ៩០ភាគរយ ហើយខ្នាតនេះ ក៏គេយកទៅប្រើក្នុងលំហាត់គីមី និងជីវវិទ្យាផងដែរ។ ខ្នាតទាំងនោះមានដូចជា៖ m(mega)*106 , k(kilo) *103 , d(deci) *10-1 , C(centi) *10-2 , m(mili) *10-3 , µ(micro) *10-6 ។
ជំហានទី៥. គណនា (Calculation)
នៅពេលដែលគណនា គឺមិនតម្រូវឲ្យប្រើម៉ាសគិតលេខឡើយ ហេតុនេះត្រូវគណនាឲ្យបានហ្មត់ចត់ ល្អិតល្អន់ និងប្រយ័ត្នប្រយែង ត្រូវចំនុចបំបែកខ្នាត ជាពិសេសទៀតនោះត្រង់ចម្លើយ សិស្សត្រូវគូសប្រអប់ឲ្យបានស្អាត និងមានរបៀបផងដែរ៕
ចុចអានបន្ទាប់