វីដេអូស្ដែងៗ តារាសម្ដែង Tom Cruise លោតបុកជញ្ជាំងបាក់ឆ្អឹង មើលហើយស្រៀវជំនួស

2017-08-15 04:02:01
ចំនួនមតិ 0 | ចំនួនចែករំលែក 0

ចន្លោះមិនឃើញ

តួអង្គរឿង "The Mummy” តារាសម្ដែង Tom Cruise ទើបតែជួបគ្រោះថ្នាក់មួយខណៈពេលថតរឿង "Mission: Impossible” វគ្គថ្មី ធ្វើឲ្យលោកបាក់ឆ្អឹងដល់ទៅពីរឯណោះ។

តារាសម្ដែង Tom Cruise

តារាវ័យ៥៥ឆ្នាំរូបនេះជាតារាល្បីម្នាក់ខាងសុខចិត្ត សម្ដែងឈុតឆាកគ្រោះថ្នាក់ជាច្រើនដោយខ្លួនឯងជាញឹកញាប់។ ដោយសារតែទម្លាប់បែបនេះហើយ ទើបធ្វើឲ្យលោកមានគ្រោះថ្នាក់រហូតដល់បាក់ឆ្អឹងដល់ទៅពីរកន្លែងសម្រាប់ការថតរឿងថ្មីនេះ ដោយបានលោតបុកជញ្ជាំងក្នុងឈុតមួយ។

មិនត្រឹមតែប៉ុណ្ណោះ ដោយសារតែគ្រោះថ្នាក់នេះ Tom Cruise នឹងត្រូវការពេលវេលារាប់ខែ ដើម្បីព្យាបាលរបួសបាក់ឆ្អឹងនោះ នេះបើតាមសារព័ត៌មាន The Sun។

សកម្មភាពសម្ដែងរបស់លោក Tom Curise

ឈុតឆាកនេះផងដែរ គឺជាត្រូវបានគេថតនៅកណ្ដាលទីក្រុង ឡុង ចក្រភពអង់គ្លេស។ បើសិនជាយើងសង្កេតមើលក្នុងវីដេអូ Tom បានព្យាយាមលោតពីអាគារ១ទៅអាគារ១ទៀត ប៉ុន្តែគិតមិនបានត្រូវចំពោះចម្ងាយដែលត្រូវលោត ហើយក៏ធ្លាក់ខណៈពេលមិនទាន់ដល់ដំបូលអាគារ១ទៀត ធ្វើឲ្យលោកបុកជញ្ជាំងមួយទំហឹង។

សម្រាប់ពេលនេះតារារូបនេះបានត្រលប់ទៅសហរដ្ឋអាមេរិកវិញហើយដើម្បីទទួលការព្យាបាល ក្រោយពេលលោកបានពិនិត្យមើលតាមប្រព័ន្ធ X-Ray ពីស្ថានភាពរបួសរបស់ខ្លួន៕

វីដេអូបង្ហាញពីសកម្មភាពថត៖

អានអត្ថបទ៖

ប្រភព៖ Mirror ប្រែសម្រួល៖ ធារ៉ូ