ពិតទេ Kendall Jenner ទាក់ទងគ្នាជាមួយកីឡាករបាល់បោះ Black Griffin?

2017-08-15 07:03:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាសម្ដែងនិងម៉ូដែល Kendall Jenner កំពុងត្រូវគេសង្ស័យថាទាក់ទងជាមួយកីឡាករបាល់បោះ (NBA) លោក Black Griffin។

កីឡាករ Black Griffin និង Kendall Jenner

អ្នកទាំងពីរត្រូវបានគេប្រទះឃើញចូលរួមកម្មវិធីប្រគំតន្ត្រីរបស់តារាចម្រៀងរ៉េប Kendrick Lamar នៅទីក្រុង Los Angeles កាលពីយប់ថ្ងៃអង្គារសប្ដាហ៍មុនជាមួយនឹងប្អូនស្រី Kendall គឺ Kylie Jenner។ នេះបើតាមសារព័ត៌មាន People។

នៅពេលនោះដែរមិត្តភ័ក្ដិ Kendall Jenner តារាម៉ូដែល Hailey Baldwin ក៏បានបង្ហាញខ្លួនជាមួយតារាបាល់បោះ Chandler Parsons ផងដែរ។

Kylie បានបង្ហាញខ្លួននៅទីនោះដោយសារតែសង្សាររបស់នាងតារារ៉េប Travis Scott បានសម្ដែងបើកឆាកឲ្យ Kendrick Lamar។

នៅយប់នោះដែរ Kendall និងលោក Black ត្រូវបានគេប្រទះឃើញជិះឡានត្រលប់ទៅផ្ទះជាមួយគ្នា នេះបើតាមការរាយការណ៍ពីសារព័ត៌មាន TMZ។

អ្នកទាំងពីរធ្វើដំណើរមកដល់ភោជនីយដ្ឋាន Craig តំបន់ West Hollywood

លុះរហូតមកដល់ថ្ងៃអាទិត្យសប្ដាហ៍មុន តារាម៉ូដែលវ័យ២១ឆ្នាំនេះបានណាត់ជួបតារា NBA វ័យ២៨ឆ្នាំ ដោយទៅញ៉ាំអាហារពេលល្ងាចជាមួយគ្នានៅភោជនីយដ្ឋាន Craig តំបន់ West Hollywood ប៉ុន្តែត្រូវបានគេថតមកដល់កន្លែងញ៉ាំអាហារដាច់ដោយឡែកពីគ្នា។

នេះមិនមែនជាលើកទី១ទេ ដែល Kendall ត្រូវគេសង្ស័យថាទាក់ទងរឿងទំនាក់ទំនងស្នេហានោះ។ ទំនាក់ទំនងរបស់នាង និងតារាចម្រៀងរ៉េប A$AP Rocky ធ្លាប់ត្រូវគេរាយការណ៍ថា ទាក់ទងគ្នានិងបែកគ្នាជាច្រើនដងប៉ុន្តែអ្នកទាំងពីរមិនដែលប្រាប់ជាផ្លូវការទេថាទាក់ទងគ្នា។