ស្អែកប៉ះសិង្ហបុរី បាល់បោះកម្ពុជាសង្ឃឹមឡើងដល់វគ្គខ្វែង

2017-08-19 08:43:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់បោះជម្រើសជាតិកម្ពុជារំពឹងខ្ពស់ឆ្លងផុតវគ្គចែកពូលក្នុងកម្មវិធីប្រកួតកីឡាស៊ីហ្គេម លើកទី២៩នៅម៉ាឡេស៊ី ព្រោះប្រទេសមួយចំនួនក្នុងពូល B មានសមត្ថភាពមិនលើសកម្ពុជានោះទេ ហើយមានក្រុមខ្លះធ្លាបចាញ់កម្ពុជាទៀតផងកាលពីស៊ីហ្គេម ២០១៥។

លោក កៅ កាន់ណារី

លោក កៅ កាន់ណារី អគ្គលេខាធិការសហព័ន្ធបាល់បោះកម្ពុជាបានឲ្យដឹងថា ការប្រកួតសន្សំពិន្ទុក្នុងពូល B នេះ កម្ពុជាសង្ឃឹមខ្ពស់ថា នឹងទទួលបានលទ្ធផលល្អ ហើយអាចឆ្លងផុតវគ្គក្នុងពូល។ ដោយឡែកប្រទេសសិង្ហបុរី ដែលជាជើងខ្លាំងក្នុងពូល B គឺធ្លាប់ឈ្នះកម្ពុជាប្រផុតប្រផើយកាលស៊ីហ្គេម លើកទី២៨។ ក្រៅពីនេះក្រុមផ្សេងទៀតមានសមត្ថភាពប្រហាក់ប្រហែល ឬនៅក្រោមកម្ពុជានោះទេ។

ក្រុមកីឡាបាល់បោះកម្ពុជា

អគ្គលេខាធិការបន្តថា ការហ្វឹកហាត់ទៀតសោតកីឡាករក៏ដូចជាសហព័ន្ធបានអនុវន្តបយ៉ាងល្អទៅតាមផែនការ ហើយឆ្នាំនេះដែរ។ កីឡាករដែលមកពីសហរដ្ឋអាមេរិកមានដល់១០រូបឯណោះ។ កីឡាករទាំង១០រូប ដែលមកពីក្រៅប្រទេសនោះ ពួកគេក៏បានហ្វឹកហាត់ជុំគ្នានៅសហរដ្ឋអាមេរិកផងដែរ។ ស៊ីហ្គេមលើកនេះ លោកជឿជាក់ថា កម្រិតសមត្ថភាពរបស់កីឡាករគឺល្អជាងលើកមុនទៀត។ សម្រាប់ការប្រកួតនៅថ្ងៃនេះ នឹងដឹងថា កម្រិតសមត្ថភាពពួកគេរីកចម្រើនប៉ុនណាដែរ។

ក្រុមកីឡាបាល់បោះកម្ពុជា

ក្រុមនិមួយៗក្នុងពូល A B

ប្រភេទកីឡាបាល់បោះកម្ពុជាស្ថិតនៅក្នុងពូល B ដែលមាន៥ប្រទេសចូលរួម ក្នុងនោះមាន ដូចជា ឥណ្ឌូណេស៊ី កម្ពុជា ឡាវ សិង្ហបុរី និងវៀតណាម។ ពួកគេនឹងត្រូវប្រកួតប្រជែងគ្នាដើម្បីដើម្បីរកពីរក្រុមឡើងទៅវគ្គខ្វែងរកមេដាយ។ បើកឆាកថ្ងៃស្អែកនេះ កម្ពុជា ត្រូវប៉ះជាមួយប្រទេសសិង្ហបុរី៕

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕

អត្ថបទ៖ នួន ស៊ីណា