ទីក្រុងល្បីឈ្មោះមួយនៅវៀតណាម មនុស្ស១០នាក់ មានម្នាក់ញៀនថ្នាំ

2017-08-22 01:59:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីក្រុងហូជីមិញ ឬធ្លាប់ហៅថា សាយហ្គន ត្រូវបានគេមើលឃើញថា ជាចំណុចក្ដៅគគុកករណីគ្រឿងញៀនដោយមានអ្នកប្រើប្រាស់គ្រឿងញៀនចុះបញ្ជីចំនួន ២២ ០០០នាក់ ឬស្មើនឹង ១០%នៃអ្នកប្រើប្រាស់ទូទាំងប្រទេស។ នេះបើតាមតួលេខថ្មីបានរកឃើញ។

សាស្ត្រាចារ្យជាន់ខ្ពស់នៃសាកលវិទ្យាល័យសង្គមកិច្ច និងមុខរបរ បានបញ្ជាក់ក្នុងសន្និសីទកាលពីពេលថ្មីៗនេះថា ចំនួនអ្នកញៀនថ្នាំនៅវៀតណាមបានកើនឡើងរហូតដល់ ១០%ក្នុងមួយឆ្នាំ គឺប្រមាណ ២១ម៉ឺននាក់នាពេលបច្ចុប្បន្ន។ លោកស្រីអះអាងថា តួលេខនេះចងក្រងដោយក្រសួងសង្គមកិច្ច និងមុខរបរផ្ទាល់តែម្ដង។

បើតាមប្រភពខាងលើបន្តថា ចំនួនកើនឡើងនៃអ្នកញៀនថ្នាំទាំងនោះភាគច្រើនជាយុវវ័យ និងសិស្សសាលាក្មេងៗ។ ចំណែកទីក្រុងហាយណូយ ស្ថិតនៅលំដាប់ទី ២ មានអ្នកញៀនថ្នាំប្រមាណ ១៣ ០០០នាក់ និងតាមពីក្រោយដោយខេត្ត Dien Bien ចំនួន ៩ ៥០០នាក់។

ការជួញដូរគ្រឿងញៀនបានកំពុងកើនឡើង គឺឆ្លងដែនពីប្រទេសចិន ឡាវ និងថៃ ឯបទល្មើសទាន់ទងនឹងថ្នាំញៀនក៏កំពុងកើនឡើងគួរឲ្យព្រួយបារម្ភផងដែរ៕