Taylor Swift បង្ហោះវីដេអូ១ផ្អើលពិភពលោកក្រោយប្រកាសថ្ងៃ...

2017-08-22 02:35:46
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចូលចិត្តតារាចម្រៀង Taylor Swift ប្រាកដជាសប្បាយចិត្តព្រោះនាងនឹងបញ្ចេញបទចម្រៀងថ្មីសម្រាប់អាល់ប៊ុមទី៦ នៅថ្ងៃសុក្រទី២៥ ខែសីហានេះហើយ បើតាមប្រភពជាច្រើនប្រាប់សារព័ត៌មាន US Weekly។

ប្រភពមួយបានប្រាប់ថា៖ បទចម្រៀងនោះនឹងមានលក្ខណៈជាចម្រៀងប៉ុប ព្រមទាំងបញ្ចាក់ថាវីដេអូចម្រៀងក៏នឹងបញ្ចេញនៅថ្ងៃតែមួយផងដែរ។ ចំណែកឯអាល់ប៊ុមវិញគឺនៅមិនយូរទៀតទេ គ្រាន់តែ Taylor លាក់លៀមបន្តិចទម្រាំចេញ ព្រោះវាជាអាល់ប៊ុមដ៏ល្អមួយមិនចាញ់មុនៗទេ។

មិនត្រឹមតែប៉ុណ្ណោះបន្ទាប់ពីបញ្ចេញបទចម្រៀងថ្មីហើយ ម្ចាស់បទ "Shake It Off” នឹងយកបទចម្រៀងនោះទៅសម្ដែងក្នុងកម្មវិធី MTV Video Music Award ទៀតផងដែលនឹងធ្វើទៅនៅទីក្រុង Los Angeles នៅថ្ងៃទី២៧ខែសីហា ដោយមាន Katy Perry ជាពិធីករ។

មុននឹងមានព័ត៌មាននេះកើតឡើង Taylor បានធ្វើឲ្យពិភពលោកភ្ញាក់ផ្អើលដោយបានបង្ហោះវីដេអូខ្លីមួយរយៈពេល១០វិនាទីនៅគ្រប់បណ្ដាញសង្គម កាលពីយប់មិញនេះដោយត្រូវគេសន្មតថាមានរូបរាងដូចជាសត្វពស់ ហើយគ្រប់គ្នាប្រាកដជាចង់ហើយថាវីដេអូនោះនឹងមានអ្វីទាក់ទងនឹងចម្រៀងថ្មីរបស់នាង។

នេះជាវីដេអូដែល Taylor Swift បង្ហោះ៖

កាលពីថ្ងៃទី១៨ខែសីហានេះ Taylor ក៏ទើបនឹងលុបអ្វីៗទាំងអស់នៅលើបណ្ដាញសង្គម ដែលជារយៈពេល៣ឆ្នាំគត់ពេលនាងបញ្ចេញអាល់ប៊ុម “1989"៕

អីចឹង! មានតែចាំអ៊ុតមើលទាំងអស់គ្នានៅថ្ងៃសុក្រសប្ដាហ៍នេះ ថាតើបទចម្រៀងថ្មីនោះនឹងពីរោះហើយមានន័យយ៉ាងណា?