គូស្នេហ៍តារាហូលីវូដ ៧គូ ដែលធ្លាប់ទាក់ទងគ្នាមុនពេលល្បីឈ្មោះ!

2017-08-23 03:55:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ជានិច្ចកាលនៅហូលីវូដការស្វែងរកដៃគូស្នេហាគឺងាយស្រួលនិងកើតឡើងជាញឹកញាប់សម្រាប់តារាល្បីៗទាំងនោះ ក៏ប៉ុន្តែក៏មានតារាៗខ្លះក៏មានសង្សាររួចទៅហើយមុននឹងខ្លួនល្បីឈ្មោះ។

ហើយនេះជាបណ្ដាតារាៗដែលទាក់ទងគ្នាមុនពេលល្បីឈ្មោះខ្លាំង៖

១. Ashton Kutcher និង January Jones

មុនពេល January ល្បីខ្លាំងនៅក្នុងរឿងភាគ "Mad Men” នាងធ្លាប់ទាក់ទងជាមួយតារាទើបនឹងរះ Ashton Kutcher ពីឆ្នាំ ១៩៩៨ ដល់ ២០០១។ បើយោងទៅតាម January Jones នាងបាននិយាយថា Ashton មិនបានគាំទ្រការសម្ដែងរបស់នាងទេ ហើយព្រមទាំងនិយាយថាការសម្ដែងនាងមិនល្អទៀតផង។

២. David Gallagher និង Megan Fox

កាលពីនាងមិនទាន់មានឈ្មោះបោះសំឡេងខ្លាំង នាងបានសម្ដែងតែក្នុងរឿង "Mary Kate & Ashley's Holiday in the Sun” មួយប៉ុណ្ណោះហើយក៏ចាប់ផ្ដើមទាក់ទងជាមួយលោក David Gallagher។

៣. Matthew Morrison និង Kristen Bell

តារាសម្ដែង Kristen Bell បានប្រាប់ Us Weekly កាលពីឆ្នាំ ២០១០ ថានាងបានទាក់ទងជាមួយតារាពីក្នុងរឿង "Glee” លោក Matthew Morrison តាំងពីជាសិស្សរៀននៅមហាវិទ្យាល័យ New York University មកម្ល៉េះ។

៤. Justin Timberlake និង Fergie

នៅឆ្នាំតែមួយដែលក្រុមចម្រៀង *NSYNC ទើបតែបញ្ចេញអាល់ប៊ុមដំបូង Justin បានចាប់ផ្ដើមទាក់ទង Fergie តាំងពីនាងមិនទាន់ចូលច្រៀងក្នុងក្រុមចម្រៀង Black Eyed Peas មកម្ល៉េះ។ ពេលនោះ Justin ទើបតែមានអាយុ១៦ឆ្នាំចំណែកឯ Fergie មានអាយុ២៣ឆ្នាំ។

៥. Rashida Jones និង Tobey Maguire

ប៉ុន្មានឆ្នាំមុនពេលលោក Tobey ល្បីដោយសម្ដែងជាតួអង្គ Spider-Man តារារូបនេះបានទាក់ទងជាមួយតារាសម្ដែង Rashida Jonesខណៈពេលកំពុងតែចាប់ផ្ដើមអាជីពសម្ដែងនៅអំឡុងឆ្នាំ ១៩៩៧-២០០០។

៦. Ryan Reynolds និង Melissa Joan Hart

មុនពេលដែល Ryan Reynolds ទាក់ទងនឹងតារាល្បីៗ ដូចជា Scarlett Johansson និងភរិយាសព្វថ្ងៃតារាសម្ដែង Blake Lively តារារូបនេះធ្លាប់ទាក់ទងជាមួយនឹង Mellissa Joan Hart ដែលខណៈពេលនោះ Ryan ទើបតែមានអាយុ ១៧ឆ្នាំប៉ុណ្ណោះ ហើយ Melissa មានអាយុ ១៩ឆ្នាំ។

៧. Lisa Kudrow និង Conan O'Brien

មុនពេលនាងចាប់ផ្ដើមល្បីឈ្មោះដោយចូលរួមសម្ដែងក្នុងរឿងភាគ "Friends” កាលពីឆ្នាំ ១៩៩៤ នាងបានចាប់ផ្ដើមទាក់ទងលោក Conan O'Brien ដោយបាននិយាយថាលោកជាបុរសដែលល្អនិងឆ្លាតម្នាក់។ សម្រាប់ពេលនេះនាងបាននិយាយថា ពួកយើងទាំងពីរបានស្គាល់គ្នាល្អខ្លាំងក្នុងនាមជាមិត្តភក្ដិ៕

អានអត្ថបទ៖

ប្រភព៖ Usmagazine ប្រែសម្រួល៖ ធារ៉ូ