ឡើង Sweet! Selena និង The Weeknd បណ្ដើរគ្នាយ៉ាងស្អិតល្មួតបង្អួតគេទៀតហើយ

2017-08-23 09:18:03
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីត្រូវគេប្រទះឃើញថាអ្នកទាំងពីរបានថើបគ្នាកាលពីខែមករាដើមឆ្នាំនេះ ប៉ុន្មានខែក្រោយមកទំនាក់ទំនងអ្នកទាំងពីរកាន់តែផ្អែមល្ហែមនិងជិតស្និទ្ធខ្លាំងឡើងៗ។

ហើយកាលពីថ្ងៃច័ន្ទនេះអ្នកទាំងពីរបានបណ្ដើរគ្នាចេញទៅក្រៅជាមួយគ្នាទៀតហើយ ដោយទៅទិញឥវ៉ាន់ជាមួយគ្នានៅទីក្រុង Los Angeles សហរដ្ឋអាមេរិក។

Selena ត្រូវបានគេប្រទះឃើញស្លៀកខោខោវប៊យខ្លីកប់ដោយអាវកីឡាធំពណ៌ក្រហម បង្ហាញជើងដ៏ស្រឡូនរបស់នាង ខណៈកំពុងតែកៀកកើយជាមួយនឹងសង្សារ The Weeknd វ័យ៣០ឆ្នាំនៅតាមដងផ្លូវ។

Selena Gomez និង The Weeknd

អាវពណ៌ក្រហមនោះគឺមានតម្លៃដល់ទៅ ៤០៥ដុល្លារឯណោះ ដែលមានពណ៌ក្រហមរួមជាមួយលេខឆ្នូតពណ៌ស ដែលមានអក្សរសរសេរថា Rodarte។

តារារូបនេះ បានពាក់ស្បែកជើងប៉ាត់តាពណ៌ស ហើយចងសក់ធម្មតាដែលមើលទៅពិតជាសាកសមខ្លាំង។

ចំណែកឯ The Weeknd វិញគឺស្លៀកពាក់សាមញ្ញៗ ជាមួយនឹងអាវក្រៅនិងខោម៉ាក Puma ជាមួយនឹងអាវយឺតនៅពីខាងក្នុង។

Selena និង The Weeknd ចូលរួមកម្មវិធី Coachella music festival កាលពីខែមេសា

បើគិតត្រឹមពេលនេះទំនាក់ទំនងរបស់គេគឺមានរយៈពេល ៧ខែហើយ ដោយចាប់ផ្ដើមស្រលាញ់គ្នាតាំងពីខែមករា។ រយៈពេលកន្លងមកនេះអ្នកទាំងពីរតែងតែចេញទៅដើរលេងជាមួយគ្នាជាញឹកញាប់ហើយក៏ចូលរួមកម្មវិធីធំៗ ដូចជា Met Gala ជាមួយគ្នាផងដែរ៕