ចង់សងសឹកប្ដី បែរយកកន្ត្រៃកាត់ប្រដាប់ភេទកូនប្រុសខ្លួនឯង

2017-08-25 09:03:38
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅប៉ុន្មានថ្ងៃនេះនៅលើប្រព័ន្ធអ៊ីនធឺណិតចិន មនុស្សជាច្រើនបានសម្ដែងអារម្មណ៍ខឹងសម្បារនឹងស្ត្រីជាម្ដាយម្នាក់ ដែលបានប្រើប្រាស់កន្ត្រៃទៅកាត់ប្រដាប់ភេទកូនប្រុសរបស់ខ្លួនឯង ព្រោះតែចង់សងសឹកអតីតប្ដី និងគ្រួសាររបស់គាត់។

បន្ទាប់ឃើញហេតុការណ៍គួរឲ្យរន្ធត់នេះ សមាជិកគ្រួសាររបស់កុមាររងគ្រោះ បាននាំគេទៅមន្ទីរពេទ្យយ៉ាងប្រញាប់បំផុតក្នុងទីក្រុង Fuzhou ខេត្តជាំងស៊ី ប្រទេសចិន។ គ្រូពេទ្យបានវះកាត់ព្យាបាលរបួសយ៉ាងបន្ទាន់ ហើយស្ថានភាពក្មេងស្ថិតនៅធម្មតាវិញហើយ។

គ្រូពេទ្យទទួលបន្ទុកផ្នែកវះកាត់បានប្រាប់ថា ទោះបីជាមុខងារប្រដាប់ភេទរបស់ក្មេងមានបញ្ហាក្ដី ប៉ុន្តែគេនៅតែអាចក្លាយជាឪពុកបានដដែលពេលធំឡើង។ ជីដូនរបស់ក្មេងប្រុសរងគ្រោះនិយាយថា អតីតកូនប្រសាស្រីដែលជាម្ដាយរបស់ក្មេងនេះ បានចាកចេញពីផ្ទះគាត់ជាងមួយឆ្នាំ និងរៀបការជាមួយបុរសផ្សេងហើយដែរ ប៉ុន្តែបានត្រលប់មកវិញ រួចក៏យកកន្ត្រៃមួយគូទៅកាត់ប្រដាប់ភេទកូនប្រុសតែម្ដង។ ពេលនេះ ប៉ូលិសកំពុងស៊ើបអង្កេត ដើម្បីរកមូលហេតុដែលធ្វើឲ្យម្ដាយចិត្តខ្មៅខាងលើប្រព្រឹត្តិផងដែរ៕