លទ្ធផល Box Office សប្ដាហ៍ចុងក្រោយខែសីហា ប្រាក់ចំណូលធ្លាក់យ៉ាងគំហុក

2017-08-29 09:41:31
ចំនួនមតិ 0 | ចំនួនចែករំលែក 0

ចន្លោះមិនឃើញ

សប្ដាហ៍នេះត្រូវគេចាត់ទុកថាជាសប្ដាហ៍ដែលមានលទ្ធផលអាក្រក់បំផុតសម្រាប់ Box Office ដោយរឿងចំណូលថ្មីមិនមានលទ្ធភាពអាចរកចំណូលបានច្រើន រីឯរឿងបញ្ចេញកាលពីសប្ដាហ៍មុនៗទទួលបានអ្នកទស្សនាកាន់តែតិច។

ភាពយន្ត "The Hitman's Bodyguard” បានរក្សាដំណែងលេខ១ ចំពោះទឹកប្រាក់១០លានដុល្លារសម្រាប់សប្ដាហ៍ទី២។ ចំនួននេះគឺថយចុះ៥៣ភាគរយបើប្រៀបធៀបទៅនឹងចំនួនកាលពីសប្ដាហ៍មុន។ នេះគឺដោយសារតែរឿងដែលទើបបញ្ចេញថ្មីៗមិនមានលទ្ធភាពរកចំណូលបានច្រើនជាងរឿងនេះ ជាហេតុធ្វើឲ្យរក្សាដំណែងបានជាមួយនឹងទឹកប្រាក់ដ៏តិចបែបនេះ។ ភាពយន្ត "Hitman's Bodyguard” រកចំណូលក្នុងស្រុកសរុបបាន ៣៩,៦លានដុល្លារហើយ។

ចំណែកឯរឿងជាប់ចំណាត់ថ្នាក់លេខ២គឺ "Annabelle: Creation” ជាមួយទឹកប្រាក់ ៧,៣លានដុល្លារ។ ភាពយន្តលក្ខណៈរន្ធត់ព្រឺព្រួចនេះរកចំណូលសរុបបាន ៧៧,៨លានដុល្លារ។

ចំពោះរឿងចំណូលថ្មី "Leap!” ដែលជារឿងមកពីផលិតកម្ម The Weinstein Company អាចរកចំណូលបានតែ៥លានដុល្លារតែប៉ុណ្ណោះក្នុងរយៈពេល៣ថ្ងៃដំបូង តែប៉ុណ្ណោះគឺជាប់ចំណាត់ថ្នាក់លេខ៣។ ចំនួនទឹកប្រាក់នេះតិចគឺអាចដោយសារតែរឿងនេះមិនសូវជាពេញនិយមនៅសហរដ្ឋអាមេរិក ហើយក៏មានថ្ងៃបញ្ចាំងក្រោយរោងកុននៅប្រទេសផ្សេងៗជុំវិញពិភពលោក។ ភាពយន្ដនេះចំណាយដើមទុនអស់៣០លានដុល្លារ ប៉ុន្តែអាចរកចំណូលបាន ៦៣,២លានដុល្លារហើយទូទាំងពិភពលោក។

Poster រឿង "Leap!"

ដោយបន្ថែមរោងកុនដើម្បីដាក់បញ្ចាំងចំនួន ២ ០៩៥បន្ថែមទៀតភាពយន្ត "Wind River” មានសមត្ថភាពទទួលបានចំណាត់ថ្នាក់លេខបួនជាមួយនឹងប្រាក់ចំណូល ៤,៤លានដុល្លារ ហើយចំនួនទឹកប្រាក់រកបានក្នុងស្រុកសរុបគឺ ៩,៨លានដុល្លារ។

ចំណាត់ថ្នាក់លេខ៥គឺបានទៅរឿង "Logan Lucky” ដែលអាចរកបាន ៤,៣លានដុល្លារសម្រាប់សប្ដាហ៍ទី២ ធ្វើឲ្យប្រាក់ចំណូលក្នុងស្រុកសរុបកើនដល់ ១៥លានដុល្លារ។

រឿងបែបសង្គ្រាម "Dunkirk” ទទួលបានចំណាត់ថ្នាក់លេខ ៦ ជាមួយចំណូល ៣,៩លានដុល្លារ ស្របពេលដែលរឿង "Spider-Man: Homecoming” ទទួលបានលេខ៧ អាចរកចំណូលបាន ២,៧លានដុល្លារ។

លេខ៨គឺបានទៅលើរឿង "Birth of the Dragon” ជាមួយនឹងទឹកប្រាក់ ២,៥លានដុល្លារសម្រាប់៣ថ្ងៃដំបូង។

ចំណាត់លេខ៩គឺបានទៅលើរឿង "The Emoji Movie” ដែលរកចំណូលបាន ២,៣លានដុល្លារ ច្រើនជាងរឿងជាប់ចំណាត់ថ្នាក់លេខ១០ "Girls Trip” បន្តិចជាមួយទឹកប្រាក់ ២,២លានដុល្លារ៕

ហើយនេះជាបណ្ដា Trailer រឿងចំណូលថ្មីទាំងអស់៖