ប្ដីប្រពន្ធខុសកម្ពស់មួយគូ ផ្អែមល្ហែមមិនចាញ់គូស្នេហ៍កំលោះក្រមុំ

2017-09-15 04:24:13
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍ជនជាតិអាមេរិកមួយគូ ទទួលបានការកោតសរសើរយ៉ាងច្រើនពីអ្នកប្រើប្រាស់អ៊ីនធឺណិតដោយសារតែរូបរាងខាងប្រុសទាប មុខមាត់មិនសូវស្អាត ហើយបានប្រពន្ធស្រស់សោភា ប៉ុន្តែទំនាក់ទំនងស្នេហាវិញ គឺផ្អែមល្ហែមមិននឹកស្មានដល់។

បុរសជាប្ដីមានឈ្មោះ Sean Stephenson មានកម្ពស់ប្រមាណ ៨០សង់ទីម៉ែត្រ។ គាត់បានកើតជំងឺ osteogenesis imperfecta ធ្វើឲ្យគាត់មិនអាចដើរ និងឆ្អឹងមិនអាចលូតដូចធម្មតាបាន។ ពេលទើបកើត គ្រប់ឆ្អឹងរបស់គាត់ស្ទើរតែបែកប្រេះ ហើយនៅអាយុ ១៨ឆ្នាំ គាត់បានទទួលរងបាក់ឆ្អឹងព្រមៗគ្នាជាង ២០០កន្លែង។

ទោះបីជា Stephenson ធ្លាក់ខ្លួនពិការ លោកបានតាំងចិត្តរស់នៅដូចមនុស្សទូទៅដោយមិនមានសម្ពាធផ្លូវចិត្តនោះទេ។ គាត់បានតស៊ូខិតខំប្រឹងប្រែងរៀនសូត្រ រហូតបានក្លាយជាអ្នកវោហារសាស្ត្រលើកទឹកចិត្តសាធារណជនបច្ចុប្បន្ន។

ប្រពន្ធរបស់លោក គឺអ្នកស្រី Mindie ក៏ជាអ្នកវោហារសាស្ត្រលើកទឹកចិត្តដូចគ្នាដែរ ពួកគេបានជួបគ្នាតាមរយៈមិត្តភ័ក្ដិក្នុងឆ្នាំ ២០០៩ និងរៀបការនៅឆ្នាំ ២០១២ នៅរដ្ឋឈីហ្កាហ្គូ។ មកទល់ពេលនេះ ពួកគេនៅតែរក្សាចំណងស្នេហ៍ដូចពីមុនអីចឹង៕