“Mother” និង “American Assasin” បង្ហាញខ្លួនក្នុងតារាង Box Office សប្ដាហ៍ថ្មី

2017-09-18 05:04:48
ចំនួនមតិ 0 | ចំនួនចែករំលែក 0

ចន្លោះមិនឃើញ

Pennywise នៅតែមានសមត្ថភាពដណ្ដើមយកតំណែងលេខ១ Box Office ក្នុងសប្ដាហ៍ថ្មីនេះ ដោយរកចំណូលបានយ៉ាងច្រើន។

ដូចដែលកាលបានគ្រោងទុក "It” រកចំណូលបានដល់ទៅ ៦០លានដុល្លារឯណោះសម្រាប់សប្ដាហ៍ទី២។ បើប្រៀបធៀបនឹងសប្ដាហ៍មុន ចំណូលរកបានចំពោះភាពយន្តនេះគឺធ្លាក់ចុះ ៥១.៤ភាគរយ ក៏ប៉ុន្តែនៅតែអាចរក្សាតំណែងកំពូល ដោយសាររឿងថ្មីៗមិនមានលទ្ធភាពដណ្ដើមបាន។ គិតត្រឹមពេលនេះ "It” រកចំណូលបាន ២១៨,៧លានដុល្លារទូទាំងពិភពលោក ហើយជារឿងទី៨ ដែលរកចំណូលបានច្រើនបំផុតក្នុងឆ្នាំនេះ។

ចាប់ផ្ដើមដាក់បញ្ចាំងសប្ដាហ៍នេះគឺ "American Assasin” ទទួលបានចំណាត់ថ្នាក់លេខ២ រកចំណូលបាន ១៤,៨លានដុល្លាររយៈពេល៣ថ្ងៃដំបូង។ ភាពយន្តបែប Action/Thriller នេះបានដកស្រង់ចេញពីសៀវភៅដែលលក់ដាច់បំផុត ប៉ុន្តែនៅតែមិនអាចធ្វើឲ្យមានភាពជោគជ័យខ្លាំងនៅលើ Box Office។ អ្នកវិភាគរឿងបាននិយាយថា រឿងនេះមិនសូវជាផ្ដល់នូវអ្វីថ្មីច្រើនសម្រាប់វិស័យភាពយន្តនោះទេ។ ម្យ៉ាងវិញទៀតដោយសារតែថ្ងៃដាក់បញ្ចាំងនេះចំជាមួយសប្ដាហ៍របស់រឿង "It” ទៀតនោះ ធ្វើឲ្យរឿងនេះមិនមានលទ្ធភាពទទួលបានតំណែងលេខ១។

ចំណាត់ថ្នាក់លេខ៣ក៏បានទៅលើភាពយន្តចំណូលថ្មីដែរគឺរឿង "Mother!” ដែលជាស្នាដៃថ្មីរបស់អ្នកនិពន្ធនិងដឹកនាំរឿងល្បីឈ្មោះ Darren Aronofsky។ រឿងនេះរកចំណូលបាន ៧,៥លានដុល្លារក្នុងរយៈពេល៣ថ្ងៃដំបូង។ វាគឺជារឿងមួយដែលពិបាកនឹងប៉ាន់ស្មានដោយសារតែបណ្ដាអ្នកវិភាគរឿងល្បីៗពេញចិត្តរឿងនេះ ប៉ុន្តែអ្នកទៅទស្សនានៅតាមរោងកុនធម្មតាភាគច្រើនមិនពេញចិត្តទេ។ នេះអាចដោយសារតែរឿង "Mother!” នេះបង្កប់នូវអាថ៌កំបាំង និងការប្រៀបធៀបជាច្រើន ដែលធ្វើឲ្យអ្នកទស្សនាភាគច្រើនឈឺក្បាល និងមិនយល់ពីសាច់រឿងនេះទាល់តែសោះ។ មូលហេតុមួយទៀតគឺអាចដោយសារតែបណ្ដាអ្នកទស្សនារឿងស្មានថារឿងនេះ គឺជារឿងបែបរន្ធត់ធម្មតា ប៉ុន្តែអ្វីដែលពួកគេបានគិតគឺខុសទាំងស្រុង។

ចំណាត់ថ្នាក់លេខ៤គឺបានទៅលើភាពយន្ត Home Again ជាមួយទឹកប្រាក់ ៥,៣លានដុល្លារ ខណៈដែល "The Hitman's Bodyguard” រកចំណូលបាន ៣,៥លានដុល្លារ ទទួលបានចំណាត់ថ្នាក់លេខ៥។

“Annabelle: Creation” ជាប់ចំណាត់ថ្នាក់លេខ៦ រកប្រាក់ចំណូលបាន ២,៦លានដុល្លារ។ ភាពយន្តនេះរកចំណូលបាន ៩៩,៩លានដុល្លារហើយនៅសហរដ្ឋអាមេរិក។

ភាពយន្តចំណាត់ថ្នាក់លេខ ៧ គឺ "Wind River” រកចំណូលបាន ២,៥លានដុល្លារ ធ្វើឲ្យចំណូលសរុបសម្រាប់រឿងនេះគឺ ២៩,១លានដុល្លារ។

“Leap!” ជាប់ចំណាត់ថ្នាក់លេខ៨ រកចំណូលបាន ២,១លានដុល្លារ ហើយ "Spider-Man: Homecoming” ទទួលបានលេខ៩ រកប្រាក់បាន១,៨លានដុល្លារ។

រឿងទទួលបានចំណាត់ថ្នាក់លេខ១០គឺ "Dunkirk” រកបាន ១,៣លានដុល្លារ៕

បណ្ដា Trailer ភាពយន្តចំណូលថ្មី៖