ឈិនឡុងបន់ឲ្យតែគេហៅថតរឿងឱបថើប តែសំខាន់អត់អ្នកឲ្យថតសោះ!
- 2017-09-18 02:59:17
- ចំនួនមតិ 0 | ចំនួនចែករំលែក 0
ឈិនឡុងបន់ឲ្យតែគេហៅថតរឿងឱបថើប តែសំខាន់អត់អ្នកឲ្យថតសោះ!
ចន្លោះមិនឃើញ
ឆ្លងកាត់ការសម្ដែងអស់រយៈពេលជាច្រើនទសវត្ស ក្នុងទឹកដីសហរដ្ឋអាមេរិក សង្កេតឃើញថាកំពូលតារាសម្ដែង Jackie Chan ដូចជាមិនដែលបានសម្ដែងក្នុងរឿងបែបមនោសញ្ចេតនាឡើយ នេះក៏ព្រោះតែហូលីវូដមិនធ្លាប់ឲ្យលោកសម្ដែងដូចគ្នា។
បន្ទាប់ពីចូលប្រឡូកក្នុងខ្សែភាពយន្តបែបក្បាច់គុនរាប់រយរឿង ថ្មីៗកំពូលតារាប្រុសចំណាប់ខាងស្នៀតប្រយុទ្ធលំដាប់ថ្នាក់ពិភពលោករូបនេះ បានលើកឡើងថា ការសម្ដែងក្នុងឈុតឆាកស្នេហា ឱបថើប គឺជាអ្វីដែលលោកប៉ង ប៉ុន្តែលោកមិនដែលបានសម្ដែងឈុតទាំងនោះក្នុងរឿងហូលីវូដសោះ ហើយក៏មិនដែលមានអ្នកដឹកនាំណាជួលលោកឲ្យសម្ដែងឈុតបែបនេះដែរ។
ការលើកឡើងនេះ ធ្វើឡើងក្នុងបទសម្ភាសន៍មួយរបស់កម្មវិធី Conan ខណៈពិធីករបានសួរថា តើតួអង្គបែបណាដែលតារាប្រុសរូបនេះ ចង់សម្ដែងទៀត។
យ៉ាងណាមិញ ឈិនឡុង ត្រូវបានគេកោតស្ញប់ស្ញែងនឹងទេពកោសល្យ មិនមែនតែការសម្ដែងក្បាច់គុនទេ ក្នុងនោះក៏បូករួមនឹងសមត្ថភាពសម្ដែងអស្ចារ្យរបស់លោកទាំងមូលដែរ។ ម្យ៉ាងវិញទៀត ថ្វីត្បិតលោកមិនដែលដើរតួឯកក្នុងរឿងហូលីវូដប្រភេទមនោសញ្ចេតនាស្នេហា ប៉ុន្តែកន្លងមក តារាប្រុសវ័យ ៦៣ឆ្នាំ ក៏មានវត្តមានជារឿយៗក្នុងរឿងប្រភេទនេះរបស់ហុងកុងដែរ៕
ចុចអាន៖
រំភើប! មិនស្មានថាដើម្បីភរិយា ឈិនឡុង ខំធ្វើរឿងអស្ចារ្យ ១នេះសោះ
ទីបំផុត Anita Yuen បកស្រាយជម្លោះជាង ២ទសវត្សរ៍ជាមួយ ឈិនឡុង