“Kingsman: The Golden Circle” ដណ្ដើមបានតំណែងលេខ១ Box Office សប្ដាហ៍ថ្មី!

2017-09-25 02:45:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តចំណូលថ្មីទើបតែដាក់បញ្ចាំងចុងសប្ដាហ៍នេះគឺ “Kingsman: The Golden Circle” ដណ្ដើមបានតំណែងលេខ១ជាមួយនឹងប្រាក់ចំណូល ៣៩លានដុល្លារ។ នេះគឺជារឿងទី២ហើយ ដែលរឿងទី១ “Kingsman: The Secret Service” រកចំណូលបាន ៣៦,២លានដុល្លារសម្រាប់ចុងសប្ដាហ៍ដំបូង។ បណ្ដាអ្នកវិភាគរឿងបាននិយាយថារឿង "The Golden Circle” នេះគឺមិនអាចប្រៀបធៀបនឹងវគ្គដំបូងបានទេ ព្រោះវគ្គដំបូងគឺវាល្អជាងឆ្ងាយ។ ក៏ប៉ុន្តែដោយសារតែមិនសូវជាមានរឿងថ្មីៗល្អមើលបានជាចេញក្នុងអំឡុងពេលនេះមានឱកាសបានលេខ១ក្នុងតារាង Box Office ក្នុងចំនួនទឹកប្រាក់មិនសូវជាច្រើនប៉ុន្មាន។

ធ្លាក់មកកាន់តំណែងលេខ ២ រឿង "It” ដែលរកចំណូលបានយ៉ាងច្រើន ព្រមទាំងទទួលបានចំណាត់ថ្នាក់លេខ១ពីរសប្ដាហ៍ជាប់គ្នានោះ ភាពយន្ដនេះរកចំណូលបាន ៣០លានដុល្លារក្នុងសប្ដាហ៍នេះ ដែលជាហេតុនាំឲ្យចំណូលសរុបទទួលបានគឺ ២៦៦,៣លានដុល្លារតែនៅក្នុងសហរដ្ឋអាមេរិក។ ភាពយន្តនេះបានក្លាយជាភាពយន្តបែបរន្ធត់ព្រឺព្រួចលក្ខណៈ R Rated (១៨+) រកចំណូលបានច្រើនជាងគេក្នុងប្រវត្តិសាស្ត្រ។

រឿងទទួលបានចំណាត់ថ្នាក់ ៣ គឺជារឿងចំណូលថ្មី "The LEGO Ninjago Movie” ជាមួយនឹងចំណូល ២១,២លានដុល្លារ ក្នុងរយៈពេល៣ថ្ងៃដំបូង។ ភាពយន្តនេះរកប្រាក់ចំណូលបានតិចជាងការគ្រោងទុក ព្រមទាំងជារឿងដែលរកចំណូលបានតិចជាងគេ ក្នុងចំណោមរឿងប្រភេទ LEGO ទាំងអស់ទៀតផង។

រឿងចំណាត់ថ្នាក់លេខ ៤ គឺ "American Assasin” ដែលរកចំណូលបាន ៦,២លានដុល្លារ។ ភាពយន្តនេះទើបតែរកចំណូលសរុបបាន ២៦,១លានដុល្លារតែប៉ុណ្ណោះ។

“Home Again” រកចំណូលបាន ៣,៣លានដុល្លារ ក្នុងសប្ដាហ៍ទី៣ ធ្វើឲ្យភាពយន្តនេះជាប់ចំណាត់ថ្នាក់លេខ ៥ ហើយភាពយន្ត "Mother!” របស់លោក Darren Aronofsky រកចំណូលបាន ៣,២លានដុល្លារ ជាប់ចំណាត់ថ្នាក់លេខ ៦ ក្នុងសប្ដាហ៍ទី២។

ភាពយន្តចំណាត់ថ្នាក់លេខ ៧ គឺជារឿងប្រភេទរន្ធត់ "Friend Request” ជាមួយនឹងប្រាក់ចំណូល ២,៤លានដុល្លារក្នុងរយៈពេល៣ថ្ងៃដំបូង។ គួរបញ្ជាក់ដែរថា ភាពយន្តនេះផលិតឡើងដោយប្រើដើមទុនតែ ៩,៩លានដុល្លារតែប៉ុណ្ណោះ។

ភាពយន្ត "The Hitman's Bodyguard” ជាប់លេខ៨ជាមួយចំណូល ១,៨លានដុល្លារ ធ្វើឲ្យរឿងចំណាត់ថ្នាក់លេខ ៩ គឺជារឿងចំណូលថ្មីដែលនិយាយពីបុរសពិការម្នាក់ព្រោះតែការបោកគ្រាប់បែកនៅទីក្រុង Boston សហរដ្ឋអាមេរិក រឿង "Stronger" ក្នុងទឹកប្រាក់ ១,៧លានដុល្លារ។

រឿងជាប់ចំណាត់ថ្នាក់លេខ១០គឺ "Wind River” ដែលរកចំណូលបាន ១,២ លានដុល្លារ៕

នេះជា Trailer បណ្ដារឿងចំណូលថ្មី៖