ស្រីស្អាតពិការដៃ ធ្វើឲ្យគ្រប់គ្នារំជួលចិត្ត ក្រោយបង្ហាញជីវិតរស់នៅពិត តាមរយៈវីដេអូ Live

2017-09-25 04:21:02
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីវ័យក្មេងជាអ្នកចូលចិត្តថតវីដេអូ Live នៅលើអ៊ីនធឺណិត បានធ្វើឲ្យអ្នកនិយមប្រើប្រាស់បណ្ដាញសង្គមចិន រំជួលចិត្តយ៉ាងខ្លាំង ដោយសារតែ រឿងរ៉ាវនៃជីវិតរស់នៅតស៊ូ និងការយកឈ្នះលើស្ថានភាពរបស់នាង។

នារីរូបស្រស់ពិការដៃម្ខាងខាងលើ មានឈ្មោះថា Yang Li បច្ចុប្បន្នមានអ្នក Follow រហូតដល់ទៅ ៩០០ ០០០ នាក់នៅលើបណ្ដាញសង្គមចិន។ នាងបានជួបគ្រោះថ្នាក់ឆក់ចរន្តអគ្គិសនីយ៉ាងធ្ងន់ធ្ងរ នៅពេលនាងមានអាយុទើបតែ ៣ ឆ្នាំប៉ុណ្ណោះ។ ជាលទ្ធផល នាងត្រូវកាត់ដៃម្ខាងចោល។

ចាប់តាំងពីពេលនោះមក នាងបានបង្ហាត់បង្រៀនខ្លួនឯង ពីរបៀបប្រើជើងរបស់នាង ដើម្បីធ្វើកិច្ចការដែលជាទូទៅតម្រូវឲ្យប្រើដៃទាំង ២ ដូចជាការតុបតែងមុខ , ញ៉ាំអាហារដោយប្រើចង្កឹះ ឬ ថតរូប Selfie ជាដើម។

នៅក្នុងវីដេអូ Live នាង Yang Li បានបង្ហាញមនុស្សជាច្រើនឲ្យឃើញនូវ ជីវិតរស់នៅប្រចាំថ្ងៃរបស់នាង។ ក្រៅពីការថតវីដេអូ Live នាងក៏ចូលចិត្តលេងហ្គេម និង Chat ជាមួយមិត្តភ័ក្ដិនៅលើទូរសព្ទដៃ ដោយប្រើជើងរបស់នាងផងដែរ។

នារីវ័យក្មេងរូបនេះ បានប្រាប់ឲ្យដឹងថា «ជីវិតរបស់ជនពិការអាចមានលក្ខណៈសាមញ្ញ និងត្រូវគេស្អប់ខ្ពើម ប៉ុន្តែខ្ញុំអាចជួប និងបង្កើតមិត្តភ័ក្ដិច្រើន តាមរយៈការថតវីដេអូ Live»។

យ៉ាងណាមិញ បើទោះបីជានាងត្រូវបានអ្នកនិយមប្រើប្រាស់បណ្ដាញសង្គមចិនស្គាល់ច្រើន នៅលើបណ្ដាញអ៊ីនធឺណិត ប៉ុន្តែគួរឲ្យសោកស្ដាយ ការថតវីដេអូ Live មិនមែនជាប្រភពប្រាក់ចំណូលរបស់នាងឡើយ ដោយបច្ចុប្បន្ននាងកំពុងធ្វើការផ្នែករដ្ឋបាល៕