ល្បី១ប្រាវ ឥឡូវក្មួយស្រីតូច ដេនី ក្វាន់ មានទីផ្សារសិល្បៈបាត់

2017-09-27 06:22:06
ចំនួនមតិ 0 | ចំនួនចែករំលែក 0

ចន្លោះមិនឃើញ

លេចមុខត្រឹមតែរយៈពេលខ្លីនៅលើបណ្ដាញទំនាក់ទំនងសង្គមនៅពេលនេះក្មួយស្រី ដេនី ក្វាន់ ត្រូវបានមហាជនស្គាល់ថា យ៉ាយ៉ា ទី២ កំពុងតែមានផលិតករ និងទូរទស្សន៍ក្នុងស្រុកមួយចំនួនទាក់ទងឲ្យថតរឿង និងស្ប៉ត។

ទាក់ទងរឿងរ៉ាវខាងលើនេះដែរ អ្នកនាង ចោម ច័ន្ទ ដែលត្រូវជាម្ដាយ យ៉ាយ៉ា ទី២បានប្រាប់ Sabay ថា នៅពេលនេះកូនស្រីរបស់ខ្លួនពិតជាមានបណ្ដាផលិតកម្មទាក់ទងឲ្យថតរឿង និងស្ប៉ត និងមានប៉ុស្តិ៍ទូរទស្សន៍ក្នុងស្រុកមួយចំនួនក៏បានទាក់ទងមកដែរ។

ម្ដាយ យ៉ាយ៉ា ទី២បន្តថា៖“កន្លងមកបង ហ្វៃ សំអាង គាត់ធ្លាប់ទាក់ទងមកកូនខ្ញុំឲ្យថតរឿង "ពស់កេងកង" តែខ្ញុំមិនឲ្យថតព្រោះគិតថាកូននៅក្មេងពេក ណាមួយខ្ញុំចង់ឲ្យគាត់ខំរៀនសូត្រសិន ។ ក្រៅពីបង ហ្វៃ សំអាង ក៏មានផលិតករផ្សេងទៀតដែលចង់បានគាត់ថតរឿង។ ចំពោះទូរទស្សន៍វិញមាន PNN និង MY TV ទាក់ទងគាត់ឲ្យចូលរួមកម្មវិធីក្នុងសប្ដាហ៍នេះ"។

គួរបញ្ជាក់ថាក្មួយស្រី ដេនី ក្វាន់ ដែលមហាជនឲ្យរហស្សនាមជា យ៉ាយ៉ា ទី២ មានឈ្មោះពិត នាង ល្អហួស មានអាយុ ៨ ឆ្នាំ រៀនថ្នាក់ទី៤ ជាទី៣ ក្នុងចំណោមបងប្អូន៣នាក់ ប្រុស២ ស្រី១៕