Bella មានគម្រោងរៀបការជាមួយ Weir នៅពេលខាងមុខ?

2017-10-02 02:40:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ទំនាក់ទំនងស្នេហារបស់តារាប្រុសស្រីថៃ ១គូ លោក Weir Sukollawat និង Bella Ranee កាន់តែលាតត្រដាងជាសាធារណៈបន្តិចម្ដងៗ និងធ្វើឲ្យអ្នកគាំទ្រទន្ទឹងដំណឹងល្អឆាប់ៗពីអ្នកទាំង២។

ជាក់ស្ដែងគូស្នេហ៍ ១នេះ បានបង្កាត់ភ្លើងស្នេហ៍ ជាមួយគ្នាអស់រយៈពេល ៥ឆ្នាំមកហើយ ក្រោយពេលពួកគេបានសម្ដែងរឿង "Fatherland” រួមគ្នា។ ប៉ុន្តែទោះជាស្រលាញ់គ្នាយ៉ាងណាក្ដី ក៏ពួកគេមិនដែលបើកចំហសម្ពន្ធភាពរបស់ខ្លួនទៅកាន់មហាជនដែរ ហើយក៏មិនដែលបង្ហោះរូបភាពគូស្នេហ៍ ឬរូបថតជាមួយគ្នា លើ Instagram ដែរ។

ដោយឡែក ថ្មីៗនេះ Weir និង Bella បានចាប់ផ្ដើមបើកចំហពីទំនាក់ទំនងរបស់ពួកគេហើយ ដោយបង្ហោះរូបរបស់គូស្នេហ៍លើ Instagram ផ្ទាល់ខ្លួនទៀតផង អំឡុងពេលទៅដើរលេងនៅជប៉ុនជាមួយគ្នា។

បើងាកទៅចាប់អារម្មណ៍ទៅកាលពីមុន Bella ធ្លាប់បាននិយាយច្បាស់ៗក្នុងបទសម្ភាសន៍មួយថា នាងនឹងរៀបការជាមួយបុរសណា ដែលនាងបង្ហោះរូបម្នាក់នោះលើ Instagram របស់នាង។ បើគិតមកដល់ពេលនេះ គ្មានប្រុសណាដែលមានវត្តមានលើ Instagram របស់នាងក្រៅពីប្រុសសង្ហា Weir ឡើយ។ ដូចនេះ តើជាការពិតទេ ដែលគូស្នេហ៍មួយនេះប្រាកដថានឹងកាន់ដៃគ្នាចូលរោងការនាថ្ងៃខាងមុខ?

ចុចអាន៖

ប្រភព៖ daranews ប្រែសម្រួល៖ យី សុធារី