រំភើប! តួស្រីរឿង "Titanic” នឹងបង្ហាញខ្លួនក្នុងរឿង "Avartar” វគ្គថ្មីជាតួអង្គអស្ចារ្យ១
- 2017-10-05 23:35:00
- ចំនួនមតិ 0 | ចំនួនចែករំលែក 0
រំភើប! តួស្រីរឿង "Titanic” នឹងបង្ហាញខ្លួនក្នុងរឿង "Avartar” វគ្គថ្មីជាតួអង្គអស្ចារ្យ១
ចន្លោះមិនឃើញ
តារាសម្ដែងធ្លាប់ឈ្នះពានរង្វាន់អូស្ការអ្នកស្រី Kat Winselt ត្រូវបានគេជ្រើសរើសឲ្យសម្ដែងក្នុងរឿង “Avatar” វគ្គថ្មីរបស់អ្នកដឹកនាំរឿង James Cameron ជាផ្លូវការហើយ។
បន្ទាប់ពីត្រូវរៀបចំអស់រយៈពេលជាច្រើនឆ្នាំ ពេលនេះភាពយន្ដរកចំណូលបានកប់ក្ដោងដែលបញ្ចេញកាលពីឆ្នាំ ២០០៩ ត្រូវបានចាប់ផ្ដើមថតវគ្គថ្មីហើយ សម្រាប់បញ្ចាំងនៅឆ្នាំ ២០២០ ចូលរួមដោយតារាសម្ដែងល្បីៗជាច្រើនរូបដូចជា Sam Worthington, Zoe Saldana, Sigourney Weaver, និង Stephen Lang ដែលបានសម្ដែងកាលពីវគ្គដំបូង សុទ្ធតែត្រលប់មកវិញ។
មិនត្រឹមតែប៉ុណ្ណោះ ក៏មានតួអង្គថ្មីៗមួយចំនួននឹងចូលរួមបង្ហាញខ្លួនក្នុងវគ្គថ្មីនេះផងដែរ។ តារាក្មេងៗដែលនឹងសម្ដែងជាកូនៗរបស់ពួក Na'vi ដូចជា Cliff Curtis និង Oona Chaplin ជាដើម។ លើសពីនេះទៅទៀតលោក Cameron ក៏បានព្យាយាមបញ្ចុះបញ្ចូលតារាល្បីៗលំដាប់ A ជាច្រើនមុននឹងចាប់ផ្ដើមថត ដូចជាលោក Josh Brolin ជាដើមប៉ុន្ដែបរាជ័យ។ ទីបំផុតលោកក៏បាននាំតារាជើងចាស់ដែលធ្លាប់ធ្វើការជាមួយលោកកាលពីរឿង "Titatic” មកចូលរួមសម្ដែង។
បើយោងទៅតាមសារព័ត៌មាន Deadline តួអង្គដែលនាងត្រូវសម្ដែងគឺជាតួអង្គ Ronal ប៉ុន្ដែមិនទាន់ច្បាស់ថានាងជាជនជាតិ Na'vi ឫជាមនុស្សធម្មតានៅឡើយទេ៕
អានអត្ថបទ៖
រឿង Avatar វគ្គថ្មីចាប់ផ្ដើមថតហើយ ចំណាយដើមទុនខ្ទង់ប៊ីលានដុល្លារ
“Mother” និង “American Assasin” បង្ហាញខ្លួនក្នុងតារាង Box Office សប្ដាហ៍ថ្មី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
