លែងពិបាកហើយអ្នកជិះ Toyota ចង់រកគ្រឿងបន្លាស់ ឬសេវាកម្មជួសជុលរថយន្ត នៅជិតផ្ទះ!

2017-10-08 08:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Toyota Cambodia ទើបនឹងសម្ពោធដាក់ឲ្យប្រើប្រាស់ជាផ្លូវការនូវទីស្នាក់ការបណ្ដោះអាសន្ន ដែលអ្នកទាំងអស់គ្នា អាចស្វែងរកទិញរថយន្តថ្មី ឬគ្រឿងបន្លាស់រថយន្តគ្រប់ម៉ូឌែលដែលមានគុណភាពខ្ពស់នៅក្បែរវិទ្យាល័យបាក់ទូក កាលពីថ្ងៃទី ៧ ខែតុលាម្សិលមិញនេះ។

លោកឧកញ៉ា គង់ ងួន ប្រធានក្រុមហ៊ុន តូយ៉ូតា(ខេមបូឌា) បានឲ្យដឹងថា សម្រាប់សាខាបាក់ទូកនេះ ជាទីស្នាក់ការបណ្ដោះអាសន្ន ក្នុងអំឡុងដែលសាខាចាស់នៅលើបណ្ដោយមហាវិថីសហព័ន្ធរស្ស៊ី កំពុងត្រៀមរៀបចំសាងសង់ថ្មី សម្រាប់ជាទីស្នាក់ការកណ្ដាល។

លោកបន្តថា ទីស្នាក់ការកណ្ដាលបណ្ដោះអាសន្ននេះ ត្រូវបានបង្កើតឡើងក្នុងគោលបំណង ផ្តល់ភាពងាយស្រួលដល់ប្រិយមិត្តក្នុងការទិញ និងលក់រថយន្តគ្រប់ម៉ូឌែល។

លោកឧកញ៉ា គង់ ងួន ប្រធានក្រុមហ៊ុន តូយ៉ូតា

មិនត្រឹមតែជា ទីស្នាក់ការកណ្ដាលបណ្ដោះអាសន្នប៉ុណ្ណោះទែ ថែមទាំងជាមជ្ឈមណ្ឌលសម្រាប់ផ្ដល់សេវាកម្ម ជួសជុល ឬសម្រាប់ការស្វែងរកគ្រឿងបន្លាស់រថយន្តតូយ៉ូតាគ្រប់ម៉ូឌែលផងដែរ។

បច្ចុប្បន្ននេះ តូយ៉ូតា(ខេមបូឌា) មានសាខាសរុប ៨ កន្លែង គិតទាំងទីស្នាក់ការកណ្ដាលបណ្ដោះអាសន្នទើបសម្ពោធថ្មីនេះផងដែរ។ សាខាទាំងនោះរួមមាន៖ សាខាចំការមន(ភ្នំពេញ) សាខាបាត់ដំបង សាខាសៀមរាប សាខាបឹងកេងកង(ភ្នំពេញ) សាខាទួលគោក(ភ្នំពេញ) សាខាសែនសុខ(ភ្នំពេញ) សាខាសែនសុខទី ២(ភ្នំពេញ) សាខាតំបន់សេដ្ឋកិច្ចពិសេសភ្នំពេញ និងសាខាបាក់ទូក ដែលជាទីស្នាក់ការកណ្ដាលបណ្ដោះអាសន្ន៕