ត្រាំ ជ្រើសរើសក្រុមហ៊ុនចំនួន ៦ ឲ្យសង់ជញ្ជាំងព្រំដែន មើលទៅមិនធម្មតាមែន

2017-10-09 07:36:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីថ្ងៃទី ២៦ កញ្ញា ២០១៧ សំណង់ជញ្ជាំងព្រំដែនអាមេរិក-ម៉ិកស៊ីកូ របស់ប្រធានាធិបតីអាមេរិក ដូណាល់ ត្រាំ ដែលបានសន្យាកាលធ្វើយុទ្ធនាការរកសំឡេងឆ្នោត បានដំណើរការយ៉ាងគគ្រឹកគគ្រេងហើយសម្រាប់ជញ្ជាំងគំរូ ឬជញ្ជាំងមេចំនួន ៨កន្លែង។

ភ្នាក់ងារកិច្ចការពារព្រំដែន និងគយអាមេរិក (CBP) បានជ្រើសរើសយកក្រុមហ៊ុនចំនួន ៦ ក្នុងបេសកកម្មសង់ជញ្ជាំងនេះជាមួយទឹកប្រាក់យ៉ាងច្រើនសន្ធឹកសន្ធាប់។ ទោះបីជាការសាងសង់ដំណើរការទៅមុខ ប៉ុន្តែ ដូណាល់ ត្រាំ បានជួបឧបសគ្គជាច្រើន រួមបញ្ចូលទាំងការបដិសេធសំណើទឹកប្រាក់ពីព្រឹទ្ធសភាចំនួន ១,៦ពាន់លានដុល្លារផង។

ជញ្ជាំងនីមួយៗមានកម្ពស់ចាប់ពី ៥,៤ ដល់ ៩ម៉ែត្រ ទៅតាមកន្លែងផ្សេងៗ។ ចំពោះទំហំទឹកប្រាក់លើជញ្ជាំងគំរូទាំង ៨កន្លែង នេះនឹងត្រូវចំណាយចន្លោះពី ២,៤ ទៅ ៤លានដុល្លារ។

គម្រោងជញ្ជាំងព្រំដែនខាងលើ ធ្លាប់ត្រូវគេប៉ាន់ប្រមាណថា អាចនឹងចំណាយរហូតដល់ ២១,៦ពាន់លានដុល្លារ និងប្រើរយៈពេលយ៉ាងហោច ៣ឆ្នាំកន្លះ តែត្រាំ ធ្លាប់បង្ហើបអំឡុងពេលឃោសនាថា នឹងចំណាយប្រមាណ ១៥ពាន់លានដុល្លារ។

គួរបញ្ជាក់ថា ការសង់ជញ្ជាំង គឺដើម្បីទប់ទល់លំហូរអន្តោប្រវេសន្តខុសច្បាប់ពីប្រទេសម៉ិកស៊ីកូ ចូលទឹកដីអាមេរិក។ ប៉ុន្តែ អ្នកខ្លះយល់ឃើញថា ជញ្ជាំងមិនអាចរារាំងមនុស្សអត់ឃ្លានបានទេ។ ភាពមានការងារល្អ សេដ្ឋកិច្ចលូតលាស់ និងសមភាពនៅម៉ិកស៊ីកូទៅវិញទេ ទើបអាចរារាំងអន្តោប្រវេសន៍មកតាមព្រំដែនបាន៕

ICYMI: Considerable progress has been made on concrete prototype construction in San Diego. #BorderSecurity pic.twitter.com/xwYAwnktuN
— CBP (@CustomsBorder) October 8, 2017