បច្ចេកវិទ្យា iPhone X នឹងមានបំពាក់លើ iPad Pro ជំនាន់ក្រោយ
- 2017-10-10 13:45:00
- ចំនួនមតិ 0 | ចំនួនចែករំលែក 0
បច្ចេកវិទ្យា iPhone X នឹងមានបំពាក់លើ iPad Pro ជំនាន់ក្រោយ
ចន្លោះមិនឃើញ
iPhone X គឺជាស្មាតហ្វូនដំបូងគេរបស់ក្រុមហ៊ុន Apple ដែលមានកាមេរ៉ាខាងមុខ TrueDepth ភ្ជាប់នឹង Face ID ដែលជាមុខងារស្កេនមុខអាចដោះសោដោយងាយស្រួលបំផុត។ ប៉ុន្តែមុខងារដ៏អស្ចារ្យនេះមិនត្រឹមតែមានលើទូរសព្ទប៉ុណ្ណោះទេវាក៏នឹងមានលើ iPad Pro ជំនាន់ក្រោយៗដែរ ។
លោក Ming-Chi Kuo អ្នកវិភាគល្បីឈ្មោះនៅក្រុមហ៊ុន KGI Securities និងជាអ្នកតាមដានរាល់ផលិតផលថ្មីៗរបស់ក្រុមហ៊ុន Apple ជឿជាក់ថាក្រុមហ៊ុននឹងបន្ថែមកាមេរ៉ា TrueDepth និងមុខងារ Face IDលើ iPad Pro ស៊េរីក្រោយ ។ នេះគឺជាការសន្មត់ដើម្បីជំរុញការប្រកួតប្រជែងបន្ថែមលើត្រកូលថេប្លេតរបស់ Apple ហើយ iPhone ឆ្នាំ ២០១៨ ក៏អាចមានមុខងារ Face ID ផងដែរ ។ លោក Kuo គិតថា ក្រុមហ៊ុនផលិតស្មាតហ្វូន Android នឹងចាប់ផ្តើមស្រាវជ្រាវបច្ចេកវិទ្យាស្រដៀងនឹង Face ID សម្រាប់ប្រើប្រាស់ក្នុងផលិតផលរបស់ពួកគេដោយបោះបង់បច្ចេកវិទ្យាស្កេនខ្ចៅដៃចោល។
គួរបញ្ជាក់ថា iPad Pro ម៉ូដែលថ្មីអាចនឹងលេចរូបរាងនៅដើមឆ្នាំ ២០១៨ ក្រោយពី Apple បានបង្ហាញ iPad Pro 2017 កាលពីខែមិថុនា ២០១៧ ៕
ចុចអានបន្ត៖