Messi ស៊ុត Hat-trick ជួយអាហ្សង់ទីនឡើង World Cup ទាល់តែបាន

2017-10-11 01:24:22
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលខ្សែប្រយុទ្ធពិភពលោក Lionel Messi បានធ្វើរឿងដ៏អស្ចារ្យសម្រាប់ក្រុមជម្រើសជាតិក្រោយស៊ុតបញ្ចូលទី៣គ្រាប់ម្នាក់ឯងជួយអាហ្សង់ទីនឡើងទៅ World Cup នៅរុស្ស៊ី។

ការប្រកួតជម្រុះដ៏តានតឹងនៅតំបន់អាមេរិកខាងត្បូងក្រុមយក្សឡាទីនមួយនេះពីមុនគឺស្ថិតនៅលេខ៦ជាតំបន់ដែលគ្មានកៅអីនៅ World Cup ប៉ុន្តែគ្រប់យ៉ាងបានផ្លាស់ប្ដូរវិញក្រោយប្រធានក្រុមវ័យ៣០ឆ្នាំស៊ុត៣គ្រាប់ម្នាក់ឯងជួយអាហ្សង់ទីនកក់កៅអីទៅជុំផ្ដាច់ព្រ័ត្រ។

នៅវគ្គទីមួយខ្សែបម្រើ Romario Ibarra រកបានគ្រាប់បាល់ឲ្យម្ចាស់ផ្ទះនាំមុខមុនតាំងពីនាទី ទី១ធ្វើឲ្យអាហ្សង់ទីនរងសម្ពាធយ៉ាងខ្លាំង។ គ្រប់យ៉ាងហាក់ធូរស្រាលវិញនៅនាទី១១ បន្ទាប់ពី Messi តាមស្មើ ហើយនាទី១៨ ម្ចាស់ពាន Ballon d'Or ៥សម័យកាលបានបន្ថែមមួយគ្រាប់ទៀត។

នៅវគ្គទីពីរនាទី៦២ ខ្សែប្រយុទ្ធជំនាញជើងឆ្វេងដដែលបានបន្ថែមគ្រាប់ទី៣ឲ្យក្រុមលោក Jorge Sampaoli មានសំបុត្រយន្តហោះទៅរុស្ស៊ីឆ្នាំក្រោយ៕