Nokia ត្រៀមចេញទូរសព្ទម្តង ៣ មានមួយធ្ងន់ជាងគេ

2017-10-12 02:22:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឆ្នាំ ២០១៧ នេះ ក្រុមហ៊ុន HMD Global បានប្រកាសបង្ហាញ Nokia ចំនួន ៤ ម៉ូដែលរួចមកហើយ។ ដោយឡែកសម្រាប់ឆ្នាំ ២០១៨ នាព្រឹត្តិការណ៍ MWC ក្រុមហ៊ុនហ្វាំងឡង់ ក៏នឹងបង្ហាញព្រមគ្នានូវស្មាតហ្វូន ៣ ម៉ូដែលថ្មីទៀត រួមមាន Nokia 2, Nokia 7 និង Nokia 9 ស្របពេលដែល Samsung ក៏នឹងបញ្ចេញ Galaxy S9 ទន្ទឹមពេលគ្នា។

មានព័ត៌មានលួចបង្ហើបថា ពេលនេះ Nokia កំពុងញាប់ដៃញាប់ជើងលើការងារការរចនាទូរសព្ទម៉ូដែលថ្មី ដើម្បីហក់ចូលទីផ្សារនៅឆ្នាំ ២០១៨។

អាចរាប់ថា ជាស្មាតហ្វូនធន់ទាប, ធន់កណ្តាលនិងធន់ខ្ពស់ ព្រោះតាមការលេចលឺកន្លងមក Nokia 2 នឹងមានតម្លៃប្រហែល ១០០ ដុល្លារប៉ុណ្ណោះ មានបំពាក់អេក្រង់ ៥ អ៊ីញកម្រិត HD ប្រើឈីប Snapdragon 212 និងមាន RAM 1GB ហើយថាមពលថ្ម 4,000mAh។ ដោយឡែក Nokia 9 ជាស៊េរីធ្ងន់ និងរចនាជាផ្ទៃអេក្រង់ពេញកោងសងខាង មានប្រើឈីប Snapdragon 835 ដោយមាន RAM 6GB/8GB ហើយមានបំពាក់កាមេរ៉ាភ្លោះនៅខាងក្រោយ។

ចំពោះ Nokia 7 មិនទាន់លេចលឺពាក្យចចាមអារ៉ាមអ្វីនៅឡើយទេ។

អានព័ត៌មានបន្ទាប់

ប្រភព៖ gizmochina ប្រែសម្រួល៖ កៅ រក្សា