ហេតុផល ៤ យ៉ាងអាចគិតគូទិញត្រឹម iPhone 7 ល្អជាង iPhone 8

2017-10-13 22:27:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាំងនៅលើទីផ្សារក្នុងស្រុកនិងទីផ្សារក្រៅស្រុក មតិភាគច្រើនបានលើកឡើង iPhone 8/8 Plus ឆ្នាំ ២០១៧ នេះ ហាក់មិនសូវត្រូវចិត្តអតិថិជនដូចជំនាន់ចេញឆ្នាំមុនៗឡើយ។

មានហេតុផល ៤ យ៉ាងធ្វើឲ្យគេគិតមិនចង់ប្តូរឡើងស៊េរី iPhone 8 ដោយគិតថា ត្រឹម iPhone 7 នៅតែជម្រើសដ៏ប្រសើរ។

១.តម្លៃ

រាល់លក្ខណៈសម្បត្តិទាំងអស់នៃ iPhone 8 និង iPhone 7 ហាក់បីជាមិនខុសគ្នាច្រើនឡើយ ប៉ុន្តែតម្លៃខុសគ្នាដល់ទៅ ១៥០ ដុល្លារ។ បច្ចុប្បន្នទីផ្សារអាមេរិក iPhone 8 ថ្លៃ ៦៩៩ ដុល្លារ ខណៈ iPhone 7 ធ្លាក់មកសល់ត្រឹម ៥៤៩ ដុល្លារ។ បើយើងគិតពីចំណុចល្អ មកផ្គូផ្គងនឹងកត្តាតម្លៃ ហាក់បីជាមិនស៊ីគ្នានោះឡើយ។

២.ឧបករណ៍សាកឥតខ្សែត្រូវទិញពីក្រៅ

ពិតណាស់នរណាក៏ដឹង iPhone 8 មានប្រើប្រព័ន្ធសាកថ្មឥតខ្សែ ប៉ុន្តែឧបករណ៍សម្រាប់សាក មិនមានន័យថាបានមក Free នោះឡើយ ដោយតម្រូវឲ្យអ្នកទិញពីខាងក្រៅ ថ្លៃប្រហែលជាង ៥០ ដុល្លារសម្រាប់ឧបករណ៍ធម្មតា។ មួយវិញទៀតចំពោះមុខងារសាកថ្មរហ័ស Fast Charging បើអ្នកប្រើដុំសាកចេញពីប្រអប់ គឺវាមិនដំណើរការមុខងារនោះឡើយ លើកលែងតែអ្នកទិញដុំសាកថ្មីប្រភេទប្រើលើ iPad Pro និងខ្សែ USB-C សរុបទៅជាង ៧០ ដុល្លារ (របស់ Original)។

៣.ជម្រើសពណ៌តិច

ខណៈ iPhone X មានជម្រើសពីរពណ៌ ស និងខ្មៅ ចំណែកឯ iPhone 8 មានត្រឹមតែ ៣ ពណ៌រួមមាន ប្រាក់, ទឹកមាសនិងប្រផេះ។ ករណីនេះសម្រាប់មនុស្សស្រី បើអ្នកធ្លាប់គាំទ្រពណ៌ Rose Gold នឹងមិនសប្បាយចិត្តនោះឡើយ។ ប៉ុន្តែបើអ្នកថយក្រោយមួយជំហាន គិតត្រឹមទិញ iPhone 7/7 Plus អ្នកអាចមានជម្រើសដល់ទៅ ៥ ពណ៌ ខ្មៅរលោង, ខ្មៅគ្រើម, ប្រាក់, មាស និងស៊ីជម្ពូ។

៤.គុណភាពកាមេរ៉ាប្រហែលគ្នា

បើអ្នកប្រៀបធៀបកាមេរ៉ា iPhone 7 ទៅ iPhone 8 Plus ទទួលស្គាល់ថាខុសគ្នា ព្រោះមួយមានកាមេរ៉ាភ្លោះជំនួយដល់ការ Portrait Mode បានល្អ ប៉ុន្តែបើគិតត្រឹម iPhone 7 និង iPhone 8 ជាកាមេរ៉ាមួយគ្រាប់ វាពុំមានការ Update អ្វីថ្មីច្រើននោះទេ ទាំងទំហំ Megapixel ម៉ូដែលទាំងពីររក្សាត្រឹម 12MP ដដែល។

ចុចអានបន្ត៖

ប្រភព៖ idropnews ប្រែសម្រួល៖ កៅ រក្សា