ស្លុតចិត្តម្សិលមិញ Ed Sheeran គ្រោះថ្នាក់ចរាចរណ៍បាក់ដៃស្ដាំ

2017-10-17 04:28:33
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងល្បីឈ្មោះ Ed Sheeran ទើបតែមានគ្រោះថ្នាក់ចរាចរណ៍កាលពីម្សិលមិញធ្វើលោកបាក់ដៃស្ដាំ នឹងអាចឲ្យមានផលប៉ះពាល់ជាខ្លាំងដល់កាលកំណត់ប្រគំតន្ត្រីទេសចរណ៍របស់លោក។

តារាចម្រៀង Ed Sheeran

ម្ចាស់បទ "Shape Of You” រូបនេះបានបង្ហោះរូបថតបង្ហាញខ្លួនមានរបួសដៃមួយសន្លឹកនិង សរសេរដូច្នេះថា៖ "ខ្ញុំទើបតែជួបគ្រោះថ្នាក់ចរាចរណ៍ពេលជិះកង់។ ពេលនេះខ្ញុំកំពុងតែសម្រាកព្យាបាល ដែលអាចនឹងប៉ះពាល់ដល់ការប្រគំតន្ត្រីខ្ញុំនៅថ្ងៃខាងមុខ។ សូមរងចាំចំពោះព័ត៌មានបន្ថែមទៀត។"

រូបថតដែលលោកបង្ហោះលើ Instagram

តារាចម្រៀងវ័យ ២៦ឆ្នាំរូបនេះ ទើបតែសម្រាកពីតន្ត្រីទេសចរណ៍ពិភពលោកខ្លួន ប៉ុន្តែតម្រូវឲ្យលោកសម្ដែងនៅ Taipei សប្ដាហ៍ក្រោយ។

មិនត្រឹមតែប៉ុណ្ណោះតារារូបនេះ ក៏មានកាលបរិច្ឆេទចំនួន ១៤ ទៀតដែលត្រៀមទុកសម្រាប់ឆ្នាំនេះ ដែលរាប់បញ្ចូលទាំងប្រទេសជប៉ុន កូរ៉េខាងត្បូង និងប្រទេសថៃ និងបញ្ចប់នៅអូស្ត្រាលីខែមិនាឆ្នាំ ២០១៨៕

អានអត្ថបទ៖

ប្រភព៖ BBC ប្រែសម្រួល៖ ធារ៉ូ