កែវ រំចង់ បារម្ភពីសមត្ថភាពខ្លះៗពេលវិលចូលសង្វៀនសារជាថ្មី
- 2017-10-20 02:23:07
- ចំនួនមតិ 0 | ចំនួនចែករំលែក 0
កែវ រំចង់ បារម្ភពីសមត្ថភាពខ្លះៗពេលវិលចូលសង្វៀនសារជាថ្មី
ចន្លោះមិនឃើញ
អ្នកប្រដាល់ល្បីឈ្មោះរបស់កម្ពុជា និងជាអ្នកប្រដាល់ដែលធ្លាប់បង្ហាញមុខនៅសង្វៀនធំៗក្រៅស្រុក កែវ រំចង់ ថា ការវិលចូលសង្វៀនគុនខ្មែរសារជាថ្មីនេះ សមត្ថភាពអាចថាមិនទាន់ដូចមុននោះទេ ប្រហែលជាស្ពឹកស្រពន់បន្តិចហើយ។
កីឡាករ កែវ រំចង់ បានឲ្យដឹងថា បច្ចុប្បន្ននេះលោកចាប់ផ្ដើមហ្វឹកហាត់ជាបណ្ដើរៗហើយ ព្រោះបើគិតទៅក៏នៅមិនយូរប៉ុន្មានដែរទេ ហើយបច្ចេកទេសនៃការហាត់រួមមាន វ៉ៃសាក វ៉ៃខ្យល់ លត់អន្ទាក់ និងរត់យកកម្លាំងស៊ុហ្វ និងសម្រក់ទម្ងន់ផងដែរ។
អ្នកប្រដាល់ដែលបង្ហាញមុខនៅសង្វៀនក្រៅប្រទេសច្រើនលើករូបនេះបន្ថែមថា ការឡើងសង្វៀនសារជាថ្មីនេះ លោកក៏មានការបារម្ភបន្តិចបន្តួចដែរ ព្រោះខានវ៉ៃយូរ រាងកាយអាចនឹងមិនរហ័សរហួនដូចមុន ហើយបើកម្លាំងវិញអាចនឹងហត់បន្តិចហើយ ប៉ុន្តែកីឡាកររូបនេះថានឹងខំប្រឹងហ្វឹកហាត់ឲ្យខ្លាំងបំផុតដើម្បីត្រៀមការប្រកួតមួយនេះ។
កែវ រំចង់ នឹងឡើងសង្វៀនសារជាថ្មីអំឡុងចុងខែធ្នូ ២០១៧ នេះ ហើយប្រហែលប៉ះជាមួយកីឡាករថៃ អ្នកប្រដាល់រូបនេះខកខានឡើងសង្វៀនប្រហែល១ឆ្នាំមកហើយ បន្ទាប់មកពីប្រកួតនៅប្រទេសបារាំងវិញហើយជួបគ្រោះថ្នាក់ចរាចរកាលចុងឆ្នាំ២០១៦កន្លងទៅនេះ៕