ខ្យល់ព្យុះវាយប្រហារនៅជប៉ុន ស្រ្តីម្នាក់អត់ខ្វល់អីទាំងអស់ រត់ទៅឱប ការពារដើមល្ហុងមួយដើម

2017-10-24 07:12:18
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលខ្យល់ព្យុះទីហ្វុង Lan បានវាយប្រហារទីក្រុង Okinawa ប្រទេសជប៉ុន កាលពីថ្ងៃអាទិត្យ កន្លងទៅនេះ ស្រ្តីជនជាតិថៃម្នាក់ ដែលរស់នៅទីនោះ បានប្រថុយជីវិតរបស់ខ្លួន ដើម្បីជួយសង្គ្រោះដើមល្ហុងជាទីស្រលាញ់មួយដើម។

ស្រ្តីរូបនោះ បានរត់ទៅឱបដើមល្ហុង ដែលកំពុងត្រូវខ្យល់ព្យុះវាយប្រហារយ៉ាងខ្លាំង ពិតជាគួរឲ្យសរសើរមែនទែន។

ស្រ្តីដែលប្រើប្រាស់គណនីឈ្មោះ Samai Saechang នេះ បានបង្ហោះវីដេអូរបស់ខ្លួន ដែលបង្ហាញឲ្យឃើញពីការព្យាយាមការពារដើមល្ហុងនោះ ទៅលើបណ្ដាញសង្គម Facebook ដោយភ្ជាប់ជាមួយសារ #PapayaIsLife ទៀតផង។

«ព្យល់ព្យុះទីហ្វុង Lan កំពុងវាយប្រហារ ហើយខ្ញុំត្រូវតែការពារដើមល្ហុងដ៏មានតម្លៃរបស់ខ្ញុំ។ អ្នកទាំងអស់គ្នាមិនយល់ពីសេចក្តីស្រលាញ់ ដែលខ្ញុំមានចំពោះដើមឈើនេះទេ»។ នេះបើតាមសាររបស់ Samai ដែលភ្ជាប់ជាមួយវីដេអូនោះ។

ជាមួយគ្នានេះដែរ Samai បានបង្ហោះវីដេអូដដែល នៅលើគេហទំព័រ YouTube និងបានសរសេរថា នាងបានចំណាយពេល ២ឆ្នាំដើម្បីដាំដើមល្ហុងនោះ ព្រោះតែកន្លែងនាងរស់នៅ ពិបាករកល្ហុងខ្លាំងណាស់៕

ចង់ដឹងយ៉ាងណា សូមទស្សនាវីដេអូខាងក្រោម៖