Neville ថា Chelsea លក់ Matic ខុសធ្ងន់ ក្រោយចាញ់ Roma
- 2017-11-01 03:13:58
- ចំនួនមតិ 0 | ចំនួនចែករំលែក 0
Neville ថា Chelsea លក់ Matic ខុសធ្ងន់ ក្រោយចាញ់ Roma
ចន្លោះមិនឃើញ
Phil Neville អតីតកីឡាកររបស់ Man Utd បានលើកឡើងថា បញ្ហារបស់ Chelsea ក្នុងរដូវកាលនេះ មកពីលក់ Nemanja Matic កាលពីរដូវក្ដៅកន្លងទៅ។
ក្រុមតោខៀវបានចាញ់ក្រុមមកពីអ៊ីតាលី Roma ធ្ងន់ក ៣-០ ក្នុង Champions League កាលពីយប់មិញ និងកំពុងតាមពិន្ទុក្រុមនៅទីក្រុង Manchester ទាំងពីរនៅ Premier League។ ចំពោះបញ្ហារបស់ Chelsea ឆ្នាំនេះ Neville បានមើលឃើញថា ដោយសារគ្មានអ្នកជំនួសកន្លែងរបស់ខ្សែបម្រើការពារ Matic។
និយាយប្រាប់ BBC 5live បុរសវ័យ៤០ឆ្នាំបាននិយាយថា៖ "តើ Chelsea មានចន្លោះត្រង់ណា? ពាក្យមួយម៉ាត់គត់គឺ Matic។ នាទីដែលពួកគេលក់ Nemanja Matic គឺជាកំហុសធ្ងន់មួយ។ គ្រាដែល Matic ចាប់ដៃគូជាមួយ Kane ពេលនោះ Chelsea ការពារល្អណាស់។ អ្នកដែលសម្រេចចិត្តលក់ពេលនោះ គួរបណ្ដេញចោលទៅ។ ព្រោះជាការសម្រេចចិត្តដ៏អន់បំផុតដែលខ្ញុំធ្លាប់ឃើញនៅ Premier League។
Neville បន្ថែមថា៖ កីឡាករ Chelsea ពេលនេះត្រូវការ Matic ណាស់។ Chelsea ខំទិញ Bakayoko ដើម្បីបំពេញតួនាទី Matic។ តែ Bakayoko មិនមែនកីឡាករដូច Matic ទេ។ គ្មាននរណាជំនួស Matic បានទេ"។ Nemanja Matic បានចេញពី Chelsea ទៅ Man Utd ក្នុងរដូវកាលនេះជាមួយតម្លៃខ្លួន៤០លានផោន៕
ចុចអាន៖
El Shaarawy ធ្វើឲ្យ Chelsea ស្រក់ទឹកភ្នែកនៅទឹកដីអ៊ីតាលី
អ្នកគាំទ្រត្រូវហាមមិនឲ្យពាក់ខ្សែក្រវាត់ក្នុងប្រកួតរវាង Man City និង Napoli