ប្រទះឃើញ Selena ពាក់អាវក្រៅរបស់ The Weeknd បន្ទាប់ពីបែកគ្នារួច

2017-11-02 07:03:49
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបែកគ្នាជាមួយ The Weeknd ថ្មីៗនេះ Selena បានឆ្លងកាត់រឿងជាច្រើន។ នាងទើបតែបញ្ចេញបទចម្រៀងថ្មីចំណងជើងថា "Wolves” ហើយព្រមទាំងជួបជាមួយ Justin Bieber ម្ដងទៀត ព្រមទាំងជាប់ឈ្មោះជាស្រីប្រចាំឆ្នាំរបស់ ទស្សនាវដ្ដី Billboard ទៀតផង។

ដោយសារតែមានហេតុការណ៍កើតឡើងជាច្រើនបែបនេះហើយទើបតារាវ័យ ២៥ឆ្នាំរូបនេះ ចេញទៅខាងក្រៅជិះកង់លំហែអារម្មណ៍ម្ដង។

ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺ នាងបានពាក់អាវក្រៅរបស់អតីតសង្សារ The Weeknd ខណៈកំពុងជិះកង់លំហែនៅតំបន់ Studio City ក្រុង Los Angeles។

អាវក្រៅនេះត្រូវគេប្រទះឃើញ The Weeknd ពាក់ពេលពួកគេចេញទៅក្រៅជាមួយគ្នា នៅទីក្រុង New York កាលពីថ្ងៃទី ៣ ខែកញ្ញា។

អ្នកទាំងពីរបានបែកបាក់គ្នាថ្មីៗនេះ បន្ទាប់ពីទាក់ទងអស់រយៈពេលដល់ទៅជិត១០ខែ។ ទោះជាយ៉ាងណាក៏ដោយ Selena ធ្លាប់បានបញ្ជាក់ទៅកាន់ប្រភពមួយរបស់ Us Weekly រួចទៅហើយថា ទោះបីជានាង និង The Weeknd បែកគ្នាក៏ពិតមែន ក៏ពួកគេនៅតែជាមិត្តល្អនឹងគ្នា ដូច្នេះហើយពេលនាងពាក់អាវក្រៅរបស់លោកដូច្នេះគឺប្រៀបដូចជាពាក់អាវរបស់មិត្តភ័ក្ដិអីចឹង៕