មិននឹកស្មាន របស់ដែលក្មេងជញ្ជក់លេង មានផលប៉ះពាល់ខ្លាំងយ៉ាងនេះ
- 2017-11-07 08:35:31
- ចំនួនមតិ 0 | ចំនួនចែករំលែក 0
មិននឹកស្មាន របស់ដែលក្មេងជញ្ជក់លេង មានផលប៉ះពាល់ខ្លាំងយ៉ាងនេះ
ចន្លោះមិនឃើញ
គ្រប់គ្នាប្រាកដជាធ្លាប់ឃើញ និងស្គាល់របស់ក្មេងជញ្ជក់លេង ព្រោះជាធម្មតាឪពុក-ម្ដាយតែងដាក់វាឲ្យកូនជញ្ជក់លេងជំនួសការបំបៅដោះ ឬដើម្បីលួងក្មេងឲ្យបាត់យំ។ ប៉ុន្តែអ្នកប្រហែលជាមិនបានដឹងទេថា របស់នេះមានផលប៉ះពាល់ខ្លាំងដល់រាងកាយ និងសុខភាពរបស់ក្មេង។
ខាងក្រោមនេះ គឺជាផលប៉ះពាល់ទាំង ៧យ៉ាងនៃរបស់សម្រាប់ក្មេងជញ្ជក់លេង៖
១. ការបង្ករោគនៅក្នុងមាត់
ប្រសិនបើអ្នកមិនមានទម្លាប់លាងសម្អាតរបស់សម្រាប់ក្មេងជញ្ជក់លេងញឹកញាប់ទេ នោះភាគរយនៃការឆ្លងរោគនៅក្នុងមាត់របស់ទារកពិតជាមានខ្ពស់ខ្លាំងណាស់។ ការប៉ះពាល់រវាងមាត់របស់ទារកជាមួយនឹងរបស់សម្រាប់ជញ្ជក់លេងអាចបង្កអោយមានមេរោគផ្សេងៗជាច្រើនដូចជា រោគផ្សិត Candida និង បាក់តេរី Stapphylococcus ជាដើម។
២. បញ្ហាបំបៅដោះកូន
ក្នុងអំឡុងពេល៦ខែដំបូងរបស់ទារកក្រោយពេលកើត អ្នកមិនគួរអោយពួកគេជញ្ជក់របស់នេះទេ។ ប្រសិនបើអ្នកអោយទារកជញ្ជក់វា នោះអ្នកនឹងជួបប្រទះការរំខានពេលបំបៅដោះ ហើយវានឹងមានរយៈពេលខ្លីជាងការបំបៅដោះទារកធម្មតា។
៣. ផលប៉ះពាល់ដល់ភាពស្និទ្ធស្នាលរវាងម្ដាយនិងកូន
ការបំបៅដោះគឺជាមធ្យោបាយល្អបំផុតដែលធ្វើឲ្យម្ដាយនិងទារកកាន់តែមានភាពស្និទ្ធស្នាលនឹងគ្នា។ប៉ុន្តែ នៅពេលដែលទារកជញ្ជក់របស់លេងនោះច្រើនពេក វានឹងធ្វើឲ្យទំនាក់ទំនងរវាងម្ដាយនិងទារកកាន់តែឃ្លាតឆ្ងាយពីគ្នា។
៤. ហានិភ័យនៃការស្ទះដង្ហើម
ប្រសិនបើអ្នកនៅតែបន្តអោយទារកជញ្ជក់របស់លេងនោះ វាប្រហែលជាអាចសម្លាប់កូនរបស់អ្នកបានដោយមិនដឹងខ្លួន ប្រសិនបើអ្នកមិនបានការពារវាទាន់ពេលវេលា។ តាមពិតទៅ ទារកអាចជញ្ជក់របស់នេះបានរហូតដល់ពាក់កណ្ដាល ដែលអាចបណ្ដាលឲ្យស្ទះដង្ហើមបាន។
៥. បញ្ហាក្នុងការនិយាយ
នៅពេលដែលក្មេងជញ្ជក់របស់លេងនោះច្រើនពេកមុនពេលពួកគេឈានដល់អាយុ ៣ ទៅ ៤ឆ្នាំ វាមិនត្រឹមតែអាចប៉ះពាល់ដល់ការលូតលាស់នៃធ្មេញនិងមាត់ប៉ុណ្ណោះទេ ប៉ុន្តែថែមទាំងធ្វើអោយមានបញ្ហាដល់ទីតាំងរបស់អណ្ដាត និងទម្រង់មាត់របស់ក្មេងផងដែរ។
៦. ការពុកធ្មេញ
ដូចដែលយើងបានលើកឡើងខាងលើ របស់សម្រាប់ក្មេងជញ្ជក់លេងអាចបង្កអោយមានមេរោគនិងបាក់តេរីផ្សេងៗ ហើយអាចធ្វើអោយក្មេងឆ្លងជំងឺក្នុងមាត់ផ្សេងៗ និងជំងឺពុកធ្មេញផងដែរ។
៧. ប្រតិកម្មផ្សេងៗ
ប្រសិនបើអ្នកឲ្យកូនជញ្ជក់របស់លេងដែលធ្វើពីជ័រ នោះកូនរបស់អ្នកអាចនឹងមានប្រតិកម្មផ្សេងៗដូចជា ហើមមាត់ ហើមភ្នែក និងរលាកច្រមុះជាដើម៕
ចុចអានអត្ថបទ៖
បើមិនចង់មានជំងឺមហារីកធ្ងន់ធ្ងរ អ្នកជំងឺត្រូវយកចិត្តទុកដាក់រឿងប្រព័ន្ធរំលាយអាហារ
ការពារទារកក្នុងផ្ទៃពីជំងឺស្បែក ស្រ្តីជាម្តាយត្រូវញ៉ាំអាហារទាំងនេះ