ព្រះមហាក្សត្រថៃ ជាប្រមុខរដ្ឋមានទ្រព្យច្រើនជាងគេលើលោក

2014-11-11 18:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រហែលជាអាចគិតថា ប្រមុខរដ្ឋមានទ្រព្យសម្បត្តិច្រើនបំផុត អាចមកពីបណ្ដាលប្រទេសមហាអំណាចសេដ្ឋកិច្ចធំៗ ដូចជាសហរដ្ឋអាមេរិក ឬចិនជាដើម។ ទោះយ៉ាងណា នេះមិនមែនជាការពិតឡើយ ព្រោះមេដឹកនាំដែលមានជាងគេបំផុត គឺជាព្រះប្រមុខរដ្ឋនៃព្រះរាជាណាចក្រថៃ Bhumibol Adulyadej ដែលមានព្រះរាជទ្រព្យសរុបរហូតដល់ទៅ ៣០ពាន់លានដុល្លារ។

ព្រះមហាក្សត្រថៃ Bhumibol Adulyadej (ប្រភពរូបភាព៖ Rami Najmi)

ព្រះបាទ Bhumibol Adulyadej បានគ្រងលើរាជ្យបល្ល័ង្ក ៦៨ឆ្នាំមកហើយ យូរជាងគេបំផុតក្នុងប្រវត្តិសាស្ត្ររបស់ប្រទេសថៃ និងពិភពលោកទាំងមូល។ ទ្រព្យសម្បត្តិរបស់ព្រះមហាក្សត្រព្រះជន្ម ៨៦ព្រះវស្សានេះ គឺជាព្រះរាជទ្រព្យនៃត្រកូលក្សត្រ និងបានមកពីការវិនិយោគ។

ព្រះអង្គមានកម្មសិទ្ធិដីជាង ១៣គីឡូម៉ែត្រក្រឡានៅរាជធានីបាងកក និងជាង ៥៣គីឡូម៉ែត្រក្រឡាទៀតនៅពាសពេញប្រទេស។ ព្រះអង្គក៏មានភាគហ៊ុន ៣២ភាគរយនៅក្នុងក្រុមហ៊ុនស៊ីម៉ង់ Siam Cement ស្មើនឹងទឹកប្រាក់ ១២,៦ពាន់លានដុល្លារ ដែលត្រូវនឹង ២៣ភាគរយនៃទ្រព្យសរុបរបស់ធនាគារពាណិជ្ជកម្មថៃ។

ក្រៅពីនេះ ព្រះអង្គក៏នៅមានភាគហ៊ុនក្នុងក្រុមហ៊ុនផ្សេងៗទៀត ដូចជាក្រុមហ៊ុនសាងសង់ ក្រុមហ៊ុនធានារ៉ាប់រង និងក្រុមហ៊ុនទូរគមនាគមន៍ជាដើម។ លើសពីនេះទៅទៀត ព្រះអង្គគឺជាម្ចាស់ពេជ្រច្នៃធំជាងគេលើលោក ដែលមានតម្លៃរាប់លានដុល្លារ។

ក្រាបបង្ហាញពីទ្រព្យសម្បត្តិប្រមុខរដ្ឋមានជាងគេទាំង ១០ប្រទេស(គិតជាពាន់លានផោន)

ព្រះរាជទ្រព្យ និងការវិនិយោគទាំងនេះ បានធ្វើឲ្យព្រះមហាក្សត្រ Bhumibol Adulyadej មានទ្រព្យសម្បត្តិសរុប ៣០ ពាន់លានដុល្លារ ជាព្រះប្រមុខរដ្ឋមានជាងគេបំផុតលើលោក៕

ចុចអាន៖ តាមពិតអ្នកមានជាងគេក្នុងប្រវត្តិសាស្ត្រ មិនមែនមហាសេដ្ឋីបច្ចុប្បន្នទេ

ចុចអាន៖ មហាសេដ្ឋីស្រលាញ់ភេទដូចគ្នាទាំង៧នាក់ក្នុងលោក

ប្រែសម្រួល៖ គង់ វិសាល

ប្រភព៖ therichest, mirror