បែកធ្លាយ! កញ្ញាឯកកម្ពុជា ប៊ី សុធារី ក៏ជាអ្នកគាំទ្ររបស់ក្រុម SHINee ដែរ
- 2017-11-12 06:50:58
- ចំនួនមតិ 0 | ចំនួនចែករំលែក 0
បែកធ្លាយ! កញ្ញាឯកកម្ពុជា ប៊ី សុធារី ក៏ជាអ្នកគាំទ្ររបស់ក្រុម SHINee ដែរ
ចន្លោះមិនឃើញ
កញ្ញាឯកកម្ពុជា ប៊ី សុធារី បានធ្វើឲ្យអ្នកប្រើបណ្ដាញអ៊ីនធឺណិតមានការភ្ញាក់ផ្អើលគ្រប់គ្នា នៅពេលបង្ហោះរូបភាពមួយសន្លឹករបស់នាង ដែលអាចឲ្យគ្រប់គ្នាដឹងភ្លាមថា នាងគឺអ្នកគាំទ្រពេញទំហឹងរបស់ក្រុមចម្រៀងប្រុសកូរ៉េ SHINee។
កញ្ញាឯកកម្ពុជាឆ្នាំ ២០១៦ ប៊ី សុធារី គឺជាកញ្ញាឯកកម្ពុជាដំបូងបង្អស់ក្នុងប្រវត្តិសាស្ត្រ ដែលតំណាងប្រទេសទៅចូលរួមការប្រកួតបវរកញ្ញាចក្រវាលឆ្នាំ ២០១៧។ អ្វីូដែលគួរឲ្យភ្ញាក់ផ្អើលនោះ គឺថ្មីៗនេះ នាងបានបង្ហោះរូបភាពរបស់ខ្លួន ឈរជិតរូបរបស់ Minho (សមាជិកក្រុម SHINee) ជាមួយនឹងស្នាមញញឹម លើ គណនី Instagram ផ្ទាល់។
អមជាមួយរូបនោះនាងក៏បានសរសេរជាភាសាអង់គ្លេស ប្រែជាខ្មែរថា៖ "ខ្ញុំសប្បាយចិត្តណាស់ ដែលបានជួបអ្នកម្ដងទៀត”។ តាមរយៈរូបភាពនេះ ពិតជាធ្វើឲ្យអ្នកគាំទ្ររបស់ SHINee (Shawols) រំភើប ជាពិសេសអ្នកគាំទ្រ ក្រុម SHINee ជនជាតិខ្មែរតែម្ដង ព្រោះបវរកញ្ញាតំណាងប្រទេសរូបនេះក៏ជាអ្នកគាំទ្រពេញទំហឹងរបស់ក្រុមបុរសនេះដែរ។
ដោយឡែក បវរកញ្ញាចក្រវាលតំណាងកម្ពុជារូបនេះ បានចាកចេញពីមាតុប្រទេសហើយកាលពីយប់ថ្ងៃទី ០៩ ខែវិច្ឆិកា ឆ្ពោះទៅបំពេញបេសកកម្មប្រឡងកម្មវិធីប្រកួតសម្រស់ធំជាងគេលំដាប់ថ្នាក់ពិភពលោក ដែលប្រព្រឹត្តឡើងនៅទីក្រុង Las Vegas សហរដ្ឋអាមេរិក៕
ចុចអាន៖
ប៊ី សុធារី ទទួលបានការហ្វឹកហាត់លំដាប់អន្តរជាតិមុនចេញទៅប្រកួត
បន្ទាប់ពី ប៊ី សុធារី បវរកញ្ញា២រូបត្រៀមទៅដណ្ដើមមកុដអន្តរជាតិខែក្រោយនេះ