Nick Jonas សារភាព​រឿងគួរអៀនខ្មាសមួយ​

  • 2017-11-14 10:47:52
  • ចំនួនមតិ

ចន្លោះមិនឃើញ

តារា​ចម្រៀង​រូប​រាង​សង្ហា Nick Jonas បានសារភាព​ប្រាប់​សារព័ត៌មាន E!News ថ្មីៗ​នេះ​ថា​ខ្លួន​នៅ​តែ​ឲ្យ​ម្ដាយ​បោក​ខោអាវ​ខ្លួន​ ក្នុង​កិច្ច​សម្ភាសន៍​មួយ​ទាក់​ទង​នឹង​ការ​បញ្ចេញ​បទ​ចម្រៀង​ថ្មី "Home” ជា​បទ​ចម្រៀង​ក្នុង​រឿង​គំនូរជីវចល​ថ្មី "FERDINAND "។

Nick Jonas និង​ម្ដាយ Denis Jonas

តារា​វ័យ​ ២៥​ឆ្នាំ​រូប​នេះ​បាន​បញ្ជាក់​ថា ខណៈ​​ខ្លួន​កំពុង​តែ​រវល់​ចំពោះ​ការ​ងារ​សិល្បៈ និង​មិន​សូវ​មាន​ពេល​នៅ​ផ្ទះ លោក​តែង​ប្រាប់​ឲ្យ​ម្ដាយ​បោក​ខោ​អាវ​ឲ្យ​រហូត។ ចំណែក​ឯ​ម្ដាយ​លោក​វិញ​គឺ​តែង​តែ​ធ្វើ​ឲ្យ​ទាំង​ទឹក​មុខ​ញញឹម​រីករាយ។

Nick បាន​បញ្ជាក់​ថា៖ "ពេល​នេះ​កូន​ប្រុស​ទាំង​៤​ របស់​​ម្ដាយ​លោក​សុទ្ធ​តែ​ចេញ​ពី​ផ្ទះ​ទាំង​អស់​ដើម្បី​រស់​នៅ​ខាងក្រៅ ក៏​ដូច​ជា​បម្រើ​ការងារ​រៀងៗ​ខ្លួន ដូច្នេះ​ឲ្យ​តែ​មាន​ឱកាស​ដែល​អាច​ធ្វើ​អ្វីៗ​ជូន​កូនៗបាន អ្នកម្តាយ​សប្បាយ​ចិត្ត​នឹង​ធ្វើ​ជា​និច្ច។"​

តារា​សាច់​ដុំ​កង់ៗ​រូប​នេះ​ បាន​សរសើរ​ម្ដាយ​ខ្លួន Denis Jonas ថា​ មិន​ត្រឹម​តែ​ជួយ​បោក​ខោ​អាវ​​ប៉ុណ្ណោះ​ទេ គាត់​ក៏​ជា​អ្នក​ពូកែ​ធ្វើ​ម្ហូប​ផង​ដែរ៕

ផ្នែក​ខ្លះៗ​នៃ​បទ​ចម្រៀង​នេះ​នៅ​ក្នុង Trailer រឿង "Home”៖

អាន​អត្ថបទ៖


ប្រភព៖ Eonline ប្រែ​សម្រួល៖ ធារ៉ូ