រកឃើញបុរសសិចស៊ីជាងគេប្រចាំឆ្នាំរបស់ទស្សនាវដ្ដី People

2017-11-15 03:22:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនាវដ្ដី People ទើបតែប្រកាសឈ្មោះតារាចម្រៀងស្រុកស្រែលោក Blake Shelton ជាបុរសសិចស៊ីជាងគេបំផុត (Sexiest Man Alive) ប្រចាំឆ្នាំ ២០១៧ នេះ។

លោក Blake Shelton

នេះបើតាមការរាយការពី Gossip Cop តារារូបនេះនឹងបង្ហាញខ្លួននៅលើគម្របទស្សនាវដ្ដី ហើយលោកត្រូវរៀបចំខ្លួនជួបថតរូបជាមួយទស្សនាវដ្ដីស្អែកនេះតែម្ដង។

ជម្រើសនេះបានធ្វើឲ្យគេមានភាពងឿងឆ្ងល់ជាខ្លាំង ដោយសារតែមានតារាប្រុសៗ ជាច្រើនដែលមានរូបរាងសង្ហារប៉ុន្តែបែរជាមិនអាចឈ្នះទៅវិញ។

លោក Blake Shelton ជាតារាចម្រៀងចង្វាក់ស្រុកស្រែដ៏ល្បីម្នាក់ មិនត្រឹមតែប៉ុណ្ណោះក៏ជាគណៈកម្មការកម្មវិធី The Voice ប្រចាំសហរដ្ឋអាមេរិកផងដែរ។

លោកនឹងស្នងតំណែង The Rock ដែលជាជម្រើសកាលពីឆ្នាំមុន។ ចំពោះឆ្នាំនេះមានតារាប្រុសជាច្រើនរូបដែលគេរំពឹងថានឹងត្រូវជ្រើសយក ប៉ុន្ដែគួរឲ្យសោកស្ដាយដែលពូកគេមិនអាចឈ្នះ។

ក្នុងនោះមានតារាល្បីៗដូចជា Idris Elba, Chris Pine, Dev Patel, Henry Cavill, និង Jason Momoa ជាដើម៕