កម្ពុជាកំពុងខ្វះកីឡាករឡើងវ៉ៃរាល់សប្តាហ៍ ខណៈកីឡាករខ្លះត្អូញដាច់បាយ
- 2017-11-15 23:15:00
- ចំនួនមតិ 0 | ចំនួនចែករំលែក 0
កម្ពុជាកំពុងខ្វះកីឡាករឡើងវ៉ៃរាល់សប្តាហ៍ ខណៈកីឡាករខ្លះត្អូញដាច់បាយ
ចន្លោះមិនឃើញ
កីឡាករប្រដាល់ចាស់ៗកាន់តែបាត់មុខពីសង្វៀន និងក្លាយជាគ្រូបង្ហាត់ អាជ្ញាកណ្តាល ចៅក្រម ខណៈកីឡាករថ្មីៗលេចមុខឡើងសង្វៀនជាបន្តបន្ទាល់រាល់ចុងសប្ដាហ៍។ ទោះជាយ៉ាងណា កីឡាករល្បីៗមួយចំនួនឡើងវ៉ៃញឹកញាប់ស្ទើររាល់សប្ដាហ៍ ប៉ុន្តែក៏មានកីឡាករខ្លះដាច់បាយដោយអត់បានឡើងប្រកួត។
**ហេតុផលតម្រូវការកីឡាករ**
ទូរទស្សន៍ចំនួនបានបើកសង្វៀនប្រដាល់ជាច្រើនទាំងថ្ងៃសុក្រ សៅរ៍ និងអាទិត្យដូចជា ទូរទស្សន៍បាយ័ន អាស៊ីអាគ្នេយ៍ ស៊ីធីអិន ប៉ុស្តិ៍លេខ៥ និងភីអិនអិនជាដើម។ រាល់កម្មវិធីនីមួយៗយ៉ាងហោចណាស់ក៏មាន៤ទៅ៥គូដែលគិតជាកីឡាករសរុប៨ទៅ១០នាក់។ ប្រការនេះតម្រូវឲ្យគណៈកម្មការផ្គូផ្គងការប្រកួតជ្រើសរើសកីឡាករប្លែកមុខឲ្យបានច្រើនបំផុតតាមលទ្ធភាពដែលធ្វើទៅបាន។
កីឡាករល្បីៗជួរមុខរបស់កម្ពុជាមានចំនួនតិចដែលធ្វើឲ្យសង្វៀននីមួយៗដណ្តើមគ្នាដើម្បីបានពួកគេឡើងវ៉ៃ ឬកីឡាករខ្លះវ៉ៃប្រចាំប៉ុស្តិ៍តែម្តង។ ដូច្នេះហើយកីឡាករល្បីៗមួយចំនួនឡើងវ៉ៃស្ទើររាល់សប្តាហ៍។ ជូនកាលកីឡាករម្នាក់វ៉ៃបាន៣ទៅ៤ដងក្នុងមួយខែ។ ជាពិសេសការប្រកួតលក្ខណៈអន្តរជាតិដែលធ្វើឲ្យពួកគេអាចរកចំណូលបានច្រើនគួរសមក្នុងមួយខែៗ។
ឧទាហរណ៍៖ ស្ថានីយ៍ទូរទស្សន៍បាយ័នផ្គូផ្គងកីឡាករឡើងវ៉ៃដូចខាងក្រោម
សប្តាហ៍ទី៣ នៃខែវិច្ឆិកា ឆ្នាំ២០១៧
ថ្ងៃអាទិត្យ ទី១៩ ខែវិច្ឆិកា (សង្វៀនស្ទឹងមានជ័យម៉ោង៦ល្ងាច)
ថ្ងៃអាទិត្យ ទី១៩ ខែ វិច្ឆិកា (សង្វៀនបឹងស្នោរម៉ោង៤ល្ងាច)
ថ្ងៃសៅរ៍ ទី១៨ ខែវិច្ឆិកា (សង្វៀនស្ទឹងមានជ័យម៉ោង៣រសៀល)
ថ្ងៃសុក្រ ទី១៧ ខែវិច្ឆិកា (សង្វៀនស្ទឹងមានជ័យម៉ោង៧យប់)
សប្តាហ៍ទី២ ខែវិច្ឆិកា ឆ្នាំ២០១៧
ថ្ងៃអាទិត្យ ទី១២ ខែវិច្ឆិកា (ស្ទឹងមានជ័យម៉ោង៦ល្ងាច)
ថ្ងៃអាទិត្យ ទី១២ ខែវិច្ឆិកា (សង្វៀនបឹងស្នោរម៉ោង៤ល្ងាច)
ថ្ងៃសុក្រ ទី១០ ខែវិច្ឆិកា (សង្វៀនស្ទឹងមានជ័យម៉ោង៧យប់)
សប្តាហ៍ទី១ ខែវិច្ឆិកា ឆ្នាំ ២០១៧
ថ្ងៃអាទិត្យ ទី៥ ខែវិច្ឆិកា (សង្វៀនស្ទឹងមានជ័យម៉ោង៦ល្ងាច)
ថ្ងៃអាទិត្យ ទី៥ ខែវិច្ឆិកា (សង្វៀនបឹងស្នោរម៉ោង៤ល្ងាច)
សប្តាហ៍ទី៤ ខែតុលា ឆ្នាំ២០១៧
ថ្ងៃអាទិត្យ ទី២៩ ខែតុលា (សង្វៀនស្ទឹងមានជ័យម៉ោង៦ល្ងាច)
ថ្ងៃអាទិត្យ ទី២៩ ខែតុលា (សង្វៀនបឹងស្នោរម៉ោង៤ល្ងាច)
ថ្ងៃសៅរ៍ ទី២៨ ខែតុលា (សង្វៀនស្ទឹងមានជ័យម៉ោង៣រសៀល)
ថ្ងៃសុក្រ ទី២៧ ខែតុលា (សង្វៀនស្ទឹងមានជ័យម៉ោង៧យប់)
ការបង្ហាញឈ្មោះកីឡាករដែលត្រូវបានគេផ្គូផ្គងខាងលើឃើញថា កីឡាករខ្លះវ៉ៃបាន២ទៅ៣ដងក្នុងមួយខែនៅស្ថានីយ៍ទូរទស្សន៍បាយ័នតែមួយ។ ចុះបើសប្ដាហ៍ខ្លះដែលពួកគេមិនបានវ៉ៃនៅសង្វៀនបាយ័ន ពួកគេអាចវ៉ៃនៅសង្វៀនផ្សេងៗទៀត ដូច្នេះពួកគេបានវ៉ៃ៣ទៅ៤ដងក៏មានក្នុងមួយខែ។
កីឡាករខ្លះត្អូញត្អែររឿងអត់បានឡើងវ៉ៃ
កីឡាករខ្លះបាត់មុខពីសង្វៀនយូរ និងស្ទើររកប្រាក់ចំណូលផ្គត់ផ្គង់គ្រួសារមិនបាន។ មួយរយៈពេលចុងក្រោយនេះកីឡាករមួយចំនួនបាន ត្អូញត្អែរដែលពួកគេមិនឡើងវ៉ៃដូចជា ឡេះ តើក ម៉ន សាម៉េត និងព្រំ សំណាងជាដើម។ ការមិនបានឡើងប្រកួតជាហេតុធ្វើឲ្យពួកគេបាត់ចំណូលផ្គត់ផ្គង់គ្រួសារ។
បញ្ហាលើកឡើងថា ហេតុអ្វីបានជាពួកគេមិនបានឡើងប្រកួតញឹកញាប់? ចម្លើយអាចបណ្តាលមកពីពួកគេអាចជាប់ពិន័យរបស់សហព័ន្ធកីឡាប្រដាល់កម្ពុជា។ ពួកគេអាចឡើងវ៉ៃមិនល្អមើលធ្វើឲ្យម្ចាស់ឧបត្ថម្ភមិនចង់បាន។ ពួកគេអាចមានបញ្ហាសុខភាព ឬក្រុមគ្រួសារ។ ឬក៏ពួកគេគ្មានខ្សែដើម្បីបានឡើងវ៉ៃ។ ទោះជាយ៉ាងណា ក៏មានសង្វៀនខ្លះបានផ្តល់ឱកាសឲ្យពួកគេដើម្បីបានវ៉ៃរកចំណូលជួយគ្រួសារដែរ។
ហេតុផលផ្សេងទៀត
ម្យ៉ាងវិញទៀត កីឡាករប្រដាល់មួយចំនួនជាប់កាតព្វកិច្ចជួយជម្រើសជាតិក្នុងកីឡាស៊ីហ្គេមកន្លងទៅដែលពួកគេត្រូវអវត្តមានពីសង្វៀនច្រើនខែ។ លើសពីនេះទៀត កីឡាករខ្លះជាប់ឈ្មោះប្រកួតក្នុងព្រឹត្តិការណ៍សំខាន់ៗដូចជា Khmer Thai Fight ក៏ធ្វើឲ្យពួកគេបាត់មុខពីសង្វៀនដែរ។ ដូច្នេះហើយសង្វៀននីមួយៗក៏ខ្វះខាតកីឡាករប្លែកមុខឡើងវ៉ៃ។
ករណីផ្សេងៗទៀត កីឡាករខ្លះបានបោះបង់ចោលសង្វៀនដើម្បីទៅធ្វើការស៊ីឈ្នួលនៅខេត្តឆ្ងាយៗ និងមានចេញទៅធ្វើការនៅប្រទេសថៃជាដើម។ ប៉ុន្តែថ្មីៗក៏មានកីឡាករខ្លះបានវិលត្រឡប់មកសង្វៀនវិញដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
