ប៉ូលិសបាញ់សម្លាប់ចោរប្លន់ពីរនាក់ ទាំងដៃម្ខាងកំពុងបីកូន (វីដេអូ)

2017-11-21 02:20:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ហេតុការណ៍នេះបានកើតឡើងកាលពីរសៀលថ្ងៃសៅរ៍សប្ដាហ៍មុន នៅប្រទេសប្រេស៊ីល។ ខណៈពេលដែលលោក Rafael Souza ជាមួយប្រពន្ធនិងកូនបានចូលទៅទិញថ្នាំនៅឱសថស្ថានមួយក្នុងទីក្រុង Campo Limpo Paulista រដ្ឋ Sao Paulo ស្រាប់តែមានចោរពីរនាក់ប្រដាប់ដោយកាំភ្លើងចូលមកប្លន់ឱសថស្ថាននោះ។

លោក Souza បាននិយាយថាជនល្មើសទាំងពីរនាក់នោះបម្រុងនឹងបាញ់រូបលោក ដូច្នេះហើយលោកក៏បានដកកាំភ្លើងបាញ់ជនល្មើសម្នាក់ដោយដៃម្ខាង ខណៈពេលដែលដៃម្ខាងទៀតកំពុងបីកូន មុនពេលដែលលោកតាមបាញ់ជនល្មើសម្នាក់ទៀត។ ប្រពន្ធរបស់លោកបានពួននៅក្រោមធ្នើរនិងស្រែកយំបន្ទាប់មកក៏រត់ទៅយកកូនពីលោក។

តាមរបាយការណ៍បានឲ្យដឹងថា ជនល្មើសម្នាក់ត្រូវបានគេស្គាល់ឈ្មោះថា Jefferson Alves អាយុ ២៤ ឆ្នាំដែលបានភ្ជង់កាំភ្លើងសំដៅមកលើលោក Souza ដែលជាមន្ត្រីប៉ូលិសម្នាក់ ដែលធ្វើឲ្យលោកតបតវិញភ្លាមៗបានយ៉ាងលឿន។ សកម្មភាពនោះ ត្រូវបានថតជាប់ក្នុងកាមេរ៉ាសុវត្ថិភាពរបស់ឱសថស្ថាន។

ទស្សនាវីដេអូខាងក្រោម៖

ចុចអានអត្ថបទ៖

ប្រែសម្រួល៖ សុភារ័ត្ន