Jennifer Lawrence សារភាពពីអារម្មណ៍ឈឺចាប់ ក្រោយបែកធ្លាយរូបស្រាតប៉ុន្មានឆ្នាំមុន

2017-11-22 04:38:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែង Jennifer Lawrence បានបង្ហើបពីអារម្មណ៍ពិត ខណៈរូបថតស្រាតរបស់នាងត្រូវបានចែកចាយលើបណ្ដាញអ៊ីនធឺណិតកាលពីឆ្នាំ ២០១៤។

តារាវ័យ ២៧ឆ្នាំរូបនេះបាននិយាយពីបទពិសោធន៍នេះថា នាងនៅតែពិបាកចិត្តពីបញ្ហានេះនៅឡើយទេ ដោយបានលើកឡើងនៅក្នុងការនិយាយ (Podcast) មួយនៅក្នុងកម្មវិធី The Hollywood Reporter's Awards Chatter កាលពីថ្ងៃចន្ទ។

តារាឈ្នះពានអូស្ការរូបនេះបាននិយាយខ្លាំងៗពីហេតុការណ៍បែកធ្លាយនោះថា ពិតជារឿងដ៏តក់ស្លុតមួយ នាងពន្យល់ថា នាងមានអារម្មណ៍ដូចជាត្រូវគេរំលោភពេញមួយពិភពលោកអីចឹង។ វាដូចជាមិនមាននរណាម្នាក់ដែលមិនបានឃើញរូបថតស្រាតរបស់នាងឡើយ។

នាងបានបន្តទៀតថា ជួលកាលពេលនាងទៅញ៉ាំអាហារ ហើយស្រាប់តែឃើញមនុស្សមើលទូរស័ព្ទរបស់គេ ធ្វើឲ្យនាងគិតថាពួកគេកំពុងមើលរូបថតស្រាតរបស់នាងអីចឹងដែរ។

ក្រោយហេតុការណ៍នេះបានកើតឡើងភ្លាមៗ នាងបានសម្រេចចិត្តមិនដាក់ពាក្យប្តឹងនោះទេ ព្រោះគិតថា មិនដឹងជាបានអ្វីមកវិញ ដោយសាររូបភាពទាំងនោះបានជាប់នៅក្នុងអ៊ីនធឺណិត និងត្រូវបានគេចែកចាយរាប់សិបដងរួចទៅហើយ។

Jennifer មិនមែនជាតារាមួយរូបដែលធ្លាប់ត្រូវគេធ្វើឲ្យបែកធ្លាយរូបភាពអាសអាភាសនោះទេ តារាល្បីៗជាច្រើនទៀតក៏បានជួបប្រទះបញ្ហានេះដូចគ្នា៕