Katy Perry ណាត់គ្នាជាមួយ The Weeknd បញ្ឈឺ Selena Gomez?

2017-11-24 05:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់បទ "Roar” ត្រូវគេប្រទះឃើញចេញទៅក្រៅដើម្បីញ៉ាំអាហារពេលល្ងាចជាមួយអតីតសង្សាររបស់ Selena Gomez, The Weekmd កាលពីសប្ដាហ៍មុន ធ្វើឲ្យមានពាក្យចចាមអារ៉ាមថាអ្នកទាំងពីរកំពុងតែទាក់ទងគ្នា។

ប្រភពមួយបានបញ្ជាក់ថា ការជួបគ្នារវាង Katy និង The Weeknd នេះអាចជាការសងសឹករបស់ Katy ទៅកាន់ Selena ។ Selena បានណាត់ជួបជាមួយអតីតសង្សារ Katy តារាសម្ដែង Orlando Bloom កាលពីខែឧសភា ខណៈពេលដែល Katy កំពុងតែទាក់ទងលោក។ ហេតុដូច្នេះហើយទើប Katy បានស្វែងរកឱកាសដើម្បីបញ្ឈឺចិត្ត Selena វិញម្ដង។

បើតាមការរាយការណ៍ពី Glamour, Katy និង The Weekend បានចំណាយពេលជាមួយគ្នានៅភោជនីយដ្ឋាននោះ រហូតដល់ពាក់កណ្ដាលអាធ្រាត្រ បន្ទាប់មកក៏ចែកផ្លូវគ្នាត្រលប់ទៅផ្ទះរៀងៗខ្លួន។

Katy គឺជាតារាចម្រៀងម្នាក់ដែលមិនចូលចិត្តឲ្យនរណាម្នាក់កាត់មុខឡើយ។ បើតាមប្រភពមួយពី The Sun, Katy មានអារម្មណ៍ខឹងសម្បារជាខ្លាំងនៅពេលនោះ ព្រោះនាងមានអារម្មណ៍ខ្មាសគេដោយសង្សារខ្លួននៅជាមួយនារីផ្សេង។

Selena និង Orlando Bloom ជួបគ្នាកាលពីខែឧសភា

ទោះបីជា Selena បញ្ជាក់ថានាងនិង Orlando គ្រាន់តែជួបគ្នាលក្ខណៈមិត្តភ័ក្ដិក៏ដោយ ក៏ Katy នៅតែមិនពេញចិត្ត នេះអាចដោយសារតែ Selena និង Orlando ធ្លាប់ទាក់ទងគ្នាកាលពីឆ្នាំ ២០១៤៕

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ