ថៃ ត្រៀមខ្លួនរង់ចាំមើល ព្រះចន្ទពេញវង់ធំបំផុតប្រចាំឆ្នាំ នាសប្តាហ៍នេះ
- 2017-11-28 06:56:05
- ចំនួនមតិ 0 | ចំនួនចែករំលែក 0
ថៃ ត្រៀមខ្លួនរង់ចាំមើល ព្រះចន្ទពេញវង់ធំបំផុតប្រចាំឆ្នាំ នាសប្តាហ៍នេះ
ចន្លោះមិនឃើញ
វិទ្យាស្ថានស្រាវជ្រាវតារាសាស្ត្រជាតិនៃប្រទេសថៃ National Astronomical Research Institute of Thailand ហៅកាត់ថា NARIT បានជូនដំណឹងដល់សាធារណជន ឲ្យរង់ចាំមើលព្រះចន្ទពេញវង់ធំបំផុតប្រចាំឆ្នាំ Super Full Moon នៅចុងសប្ដាហ៍នេះតែម្ដង។
នៅថ្ងៃអាទិត្យ ទី០៣ ខែធ្នូ ឆ្នាំ២០១៧ នេះ ព្រះចន្ទនឹងមានចម្ងាយ ៣៥៧ ៩៧៣គីឡូម៉ែត្រពីផែនដី ធ្វើឲ្យវាមានទំហំធំជាងធម្មតា ១៤ភាគរយ និងភ្លឺជាងមុន រហូតដល់ទៅ ៣០ភាគរយឯណោះ។ នេះបើយោងតាម លោក Saran Posajinda នាយកវិទ្យាស្ថាន NARIT។
ជាមួយគ្នានេះដែរ លោក Saran បានឲ្យដឹងថា សាធារណជននឹងអាចមើលឃើញព្រះចន្ទ បន្ទាប់ពីថ្ងៃលិច ដោយមើលទៅទិសខាងកើត។
យ៉ាងណាមិញ ក្នុងករណីដែលអ្នកខកខានមិនបានមើលនៅថ្ងៃនោះ ក៏មិនមែនជារឿងធំអីដែរ ព្រោះគេរំពឹងថា ព្រះចន្ទពេញវង់ Super Full Moon បន្ទាប់ នឹងកើតឡើងនៅថ្ងៃទី០២ ខែមករា ឆ្នាំ២០១៨៕
ចុចអាន៖