ប្តីប្រច័ណ្ឌជ្រុល វាយប្រពន្ធតាមចំនួន Like ដែលនាងទទួលបានលើ Facebook

2017-11-29 10:15:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីម្នាក់ត្រូវទទួលការវះកាត់ ដើម្បីព្យាបាលផ្ទៃមុខរបស់នាង បន្ទាប់ពីត្រូវប្តីដែលប្រច័ណ្ឌជ្រុលហួសហេតុ វាយនាងតាមចំនួន Like ដែលនាងទទួលបាន នៅលើបណ្ដាញសង្គម Facebook។

នាង AdolfinaCamelli Ortigoza (មុខពេលទទួលរងអំពើហិង្សា)

បើយោងតាមសម្ដីប៉ូលិស បានឲ្យដឹងថា ស្ត្រីរងគ្រោះខាងលើមានឈ្មោះថា AdolfinaCamelli Ortigoza អាយុ២១ឆ្នាំ មកពីទីក្រុង Nemby ប្រទេស ប៉ារ៉ាហ្គាយ ត្រូវបានជួយសង្គ្រោះកាលពីសប្ដាហ៍មុន បន្ទាប់ពីត្រូវជាប់ឃុំនៅក្នុងផ្ទះ ដោយប្ដីចិត្តព្រៃផ្សៃ ឈ្មោះ Pedro Heriberto Galeano។ ផ្ទៃមុខរបស់ នាង Ortigoza ត្រូវខូចទ្រង់ទ្រាយ ដោយសារតែការវាយប្រហារយ៉ាងព្រៃផ្សៃជាច្រើនលើកច្រើនសា។

នាង AdolfinaCamelli Ortigoza (ក្រោយពេលទទួលរងអំពើហិង្សា)

បើតាមមេធាវីរបស់ស្ត្រីរងគ្រោះ បានអះអាងថា លោក Galeano អាយុ៣២ឆ្នាំ នឹងប្រែទៅជាព្រៃផ្សៃបែបនេះ នៅពេលមាននរណាម្នាក់ចុច Like រូបថតដែលនាង Ortigoza បានបង្ហោះនៅលើ Facebook។ មិនតែប៉ុណ្ណោះ ក្រោយមកលោក Galeano បានប្រើទំព័រ Facebook របស់ Ortigoza រួចបង្ហោះរូបថតនាង និងបន្តវាយទាត់ធាក់ រាល់ពេលដែលមានគេចុច Like រូបថតរបស់នាងទៀតផង។

លោក Pedro Heriberto Galeano

យ៉ាងណាមិញ មិត្តភ័ក្ដិរបស់នាង Ortigoza មិនបានដឹងឡើយថា រាល់ពេលដែលពួកគេចុច Like រូបថតរបស់នាង ធ្វើឲ្យនាងទទួលរងការវាយតប់យ៉ាងព្រៃផ្សៃបែបនេះ។

គួរបញ្ជាក់ថា លោក Galeano ត្រូវបានប៉ូលិសឃាត់ខ្លួន និងចោទប្រកាន់ពីបទប៉ុនប៉ងមនុស្សឃាត , បិទសិទ្ធិសេរីភាព និង ការជ្រៀតជ្រែក ដែលមានទោសជាប់ពន្ធនាគារអតិបរមា រយៈពេល ៣០ឆ្នាំ៕