ស្ត្រីម្នាក់អះអាងថាបានរួមភេទជាមួយខ្មោចសតវត្សទី១៩ ពេលរស់នៅតែឯងក្នុងខ្ទមដាច់ស្រយាល
- 2017-12-07 05:00:44
- ចំនួនមតិ 0 | ចំនួនចែករំលែក 0
ស្ត្រីម្នាក់អះអាងថាបានរួមភេទជាមួយខ្មោចសតវត្សទី១៩ ពេលរស់នៅតែឯងក្នុងខ្ទមដាច់ស្រយាល
ចន្លោះមិនឃើញ
ស្ត្រីម្នាក់បានអះអាងថានាងបានរួមភេទ "ដ៏អស្ចារ្យ" ជាមួយខ្មោចបុរសម្នាក់ក្នុងសតវត្សទី ១៩ ខណៈពេលដែលនាងរស់នៅតែម្នាក់ឯងនៅក្នុងខ្ទមដាច់ស្រយាលមួយ។ ស្ត្រីឈ្មោះ Sian Jameson បាននិយាយថានាងប្រទះឃើញបុរសម្នាក់នៅក្នុងគំនូរប្រវត្តិសាស្រ្តដែលត្រូវបានដាក់នៅពីលើចង្ក្រានក្នុងផ្ទះ។
នារីវ័យ ២៦ ឆ្នាំរូបនេះបានចាកចេញពីជីវិតនៅទីក្រុងឡុងរបស់នាង ហើយបានរើទៅផ្ទះខ្ទមមួយនៅក្នុងទីក្រុង Aberystwyth, ប្រទេសវែល បន្ទាប់ពីបានចែកផ្លូវគ្នាជាមួយមិត្តប្រុសរបស់នាងអស់រយៈពេល ៣ឆ្នាំ។
Sian បាននិយាយថា "គ្រប់ទីកន្លែងដែលខ្ញុំទៅទាំងអស់គឺខ្ញុំចង់រំលឹកពីអតីតសង្សាររបស់ខ្ញុំ។ ខ្ញុំត្រូវការការចាប់ផ្តើមថ្មី។ "
ដោយបានរៀបរាប់អំពីទ្រព្យសម្បត្តិទាំងអស់ដែលនៅក្នុងផ្ទះ នាងបានប្រាប់Walse Online ថា "ម្ចាស់ផ្ទះបានបន្សល់ទុកសៀវភៅនិងរូបគំនូរ។ ផ្ទាំងគំនូរមួយបានទាក់ទាញចំណាប់អារម្មណ៍របស់ខ្ញុំ វាស្ថិតនៅពីលើខោអាវក្នុងបន្ទប់ធំ ហើយជារូបបុរសវ័យក្មេងដ៏ស្រស់ស្អាតដែលចុះកាលបរិច្ឆេទឆ្នាំ ១៨២០ ។"
ក្នុងនាមជាអ្នកនិពន្ធម្នាក់ Sian និយាយថា "វាអស្ចារ្យណាស់សម្រាប់ខ្ញុំ គ្មានការរំខានទេ ហើយមានតែខ្ញុំ ដើមឈើ និងមេឃប៉ុណ្ណោះ។ ខ្ញុំអាចបង់ថ្លៃជួលផ្ទះរបស់ខ្ញុំ ដោយការសរសេរ ហើយដោយសារតែខ្ញុំមិនចង់បានច្រើននៅជនបទ ខ្ញុំអាចគ្រប់គ្រងលុយបានល្អ។ ខ្ញុំចូលចិត្តសន្តិភាព បន្ទាប់ពីទំនាក់ទំនងស្នេហាដ៏វែងអន្លាយ ការរៀនរស់ដោយខ្លួនខ្ញុំផ្ទាល់ ពិតជារំភើបណាស់។ ខ្ញុំចាប់ផ្តើមងឿងឆ្ងល់ថាតើខ្ញុំចង់បានបុរសម្នាក់នៅក្នុងជីវិតម្តងទៀត ឬយ៉ាងណា។"
នាងចាប់ផ្តើមមានក្តីសុបិន្តស្រើបស្រាល។
“ខ្ញុំភ្ញាក់ឡើងគិតថាខ្ញុំនៅតែមានទំនាក់ទំនងស្នេហា ហើយខ្ញុំពិតជាមានអារម្មណ៍ធូរស្រាលក្នុងការស្វែងរកខ្លួនឯង។ ពីរបីខែក្រោយពីខ្ញុំបានចូលមករស់នៅទីនេះ ថ្ងៃមួយខ្ញុំបានភ្ញាក់ពីព្រឹកព្រលឹមដើម្បីស្វែងរកបុរសវ័យក្មេងសក់ពណ៌ខ្មៅម្នាក់ឈ្មោះ Robert ដែលនៅក្បែរខ្ញុំ។ គេស្លៀកពាក់យ៉ាងជិតខ្លួន ជាមួយអាវពណ៌សរលុង កន្សែងបង់ក និងខោជិះសេះចាស់ៗ។ គេមានអារម្មណ៍ស្រៀវស្រើបដូចជានៅពីក្រោយវាំងនន។ ខ្ញុំបានប្រាប់ខ្លួនឯងថាកំពុងសុបិន ហើយក៏រមៀលខ្លួនចេញ។នៅពេលខ្ញុំបែរមុខទៅជញ្ជាំង ខ្ញុំដឹងថាខ្ញុំមិនមែនដេកលក់ទេ ហើយភ្លាមៗនោះខ្ញុំក៏បានពោរពេញទៅដោយភាពភ័យខ្លាច។ ខ្ញុំមានអារម្មណ៍ថា មានដៃមួយបានប៉ះចង្កេះរបស់ខ្ញុំ ប៉ុន្តែការប៉ះនោះគឺចំឡែកណាស់ ដោយសារវាមានភាពស្រាលនិងត្រជាក់។ យើងក៏បានចាប់ផ្តើមរួមដំណេកជាមួយគ្នា”
នាង Sian បន្តថា នាងតែងតែជឿលើព្រលឹងខ្មោច ហើយអះអាងថាបានឃើញការបង្ហាញខ្លួនខ្មោចជាច្រើនពីមុនមក។ ប៉ុន្តែគ្មានខ្មោចណាម្នាក់ក្នុងចំណោមពួកគេធ្លាប់ស្និទ្ធស្នាលជាមួយនាងដូចខ្មោចប្រុស Robert ដែលមកពីសតវត្សទី១៩នេះឡើយ។
ទោះជាយ៉ាងណាក៏ដោយអ្នកចិត្តសាស្ត្រ Tina Radziszewicz បានបដិសេធចំពោះបញ្ហានេះ និងបានលើកឡើងថា ទោះបីជាបទពិសោធនៃការបង្កើតស្នេហាជាមួយនឹងខ្មោចមានអារម្មណ៍ថាដូចជាការពិតចំពោះ Sian ក៏ដោយ តែការរួមភេទដោយស្រមោលតែងតែកើតឡើងនៅពេលព្រឹករឺយប់ជ្រៅដោយសារតែនាងកំពុងងងុយ និងដោយសារការចុះសម្ពាធឈាមដែលធ្វើឲ្យមានការកន្ត្រាន់និងអារម្មណ៍រវើរវាយប៉ុណ្ណោះ ៕
ចុចអាន៖
ពេទ្យប្រាប់ថាមានជំងឺអេដស៍ ដេកចាំថ្ងៃស្លាប់អស់ ៧ឆ្នាំ ចុងក្រោយដឹងលទ្ធផលហួសចិត្ត
រកឃើញរូងភ្នំ អាយុកាល១៥ ០០០ឆ្នាំ ស្ថិតក្រោមទីក្រុងល្បីមួយ មិនធ្លាប់មានអ្នកឃើញ
អាថ៌កំបាំងរក្សាសព៣ ល្បីរន្ទឺពេញពិភពលោក តែមិនទាន់មានអ្នកបកស្រាយច្បាស់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
