ហួសចិត្ត! មហាកំពែងចិន ក្លាយជាកន្លែងដាំទឹកឆុងមី របស់មនុស្សមួយក្រុម

2017-12-14 07:24:37
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍មួយដែលចេញផ្សាយដោយកាសែត Beijing Morning Post បានឱ្យដឹងថាមនុស្សមួយក្រុមត្រូវបានគេប្រទះឃើញ កំពុងដុតភ្លើងដើម្បីចម្អិនអាហាររបស់ពួកគេនៅភ្នំ Panlon ក្នុងផ្នែកមួយនៃមហាកំពែងចិនកាលពីថ្ងៃទី ៩ ខែធ្នូ។

ហេតុការណ៍នេះបានកើតឡើងបន្ទាប់ពីអ្នកស្ម័គ្រចិត្តម្នាក់ បានប្រទះឃើញផ្សែងហុយចេញពីប៉ម និងបានរាយការណ៍ប្រាប់មន្ត្រីម្នាក់។ នៅពេលដែលមន្ត្រីរូបនោះបានទៅដល់ គេឃើញមនុស្សមួយក្រុមបានរត់គេចខ្លួនអស់ នៅសល់តែមនុស្ស ២នាក់ប៉ុណ្ណោះ។ មន្ត្រីនោះបានសុំឱ្យពួកគេបង្ហាញអត្តសញ្ញាណរបស់ខ្លួន ប៉ុន្តែពួកគេបានបដិសេធហើយប្រកែកជាមួយមន្ត្រីរូបនោះទៅវិញ។

ទោះបីជាយ៉ាងណាក៏ដោយ រូបថតនៅលើ Weibo បានបង្ហាញពីបុរសម្នាក់បានរៀបឥដ្ឋជាចង្ក្រានមួយ ហើយដាក់ឆ្នាំងដាំទឹកនៅពីលើ។ លើសពីនេះទៀត នៅជុំវិញកន្លែងកើតហេតុ គេឃើញមានកញ្ចប់មីមួយចំនួន ហើយជញ្ជាំងនៃកំពែងត្រូវបានរោលរាលខ្មៅដោយសារផ្សែងភ្លើង។

គួរបញ្ជាក់ថា តាមច្បាប់របស់ប្រទេសចិន ការធ្វើឱ្យខូចខាតកេរដំណែលវប្បធម៌នៅក្នុងប្រទេស អាចនឹងប្រឈមមុខនឹងការផាកពិន័យរហូតដល់ ៥០០ យ័ន (ជាង ៧០ដុល្លារ) និងអាចត្រូវបានឃុំខ្លួនយ៉ាងហោចណាស់ ១០ថ្ងៃផងដែរ៕

ចុចអាន៖

ប្រភព៖ Shanghaiist ប្រែសម្រួល៖ រ័ត្ន