Francia មិនខ្លាចបង្ហាញស្នាមបន្សល់ពីការវះកាត់បរិច្ចាគក្រលៀនឲ្យ Selena សោះឡើយ
- 2017-12-15 03:00:00
- ចំនួនមតិ 0 | ចំនួនចែករំលែក 0
Francia មិនខ្លាចបង្ហាញស្នាមបន្សល់ពីការវះកាត់បរិច្ចាគក្រលៀនឲ្យ Selena សោះឡើយ
ចន្លោះមិនឃើញ
កាលពីថ្ងៃពុធកន្លងទៅ តារាសម្ដែង Francia Raisa បានចូលរួមពិធីសម្រាប់កម្មវិធីទូរទស្សន៍ Grown-ish របស់នាងនៅហូលីវូដ ដោយបានពាក់ម៉ូដអាវមួយកំណាត់ខ្លួន ហើយបញ្ចេញយ៉ាងច្បាស់នូវស្លាកស្នាមវះកាត់របស់នាង។ អំឡុងពេលមានវត្តមានក្នុងកម្មវិធីនោះ តារាសម្ដែងរូបនេះក៏បាននិយាយពីអារម្មណ៍របស់នាងក្រោយពេលទទួលការវះកាត់រួច។
តារាសម្ដែង Raisa បានប្រាប់វិបសាយ Us Weekly ថា៖ "ពួកយើង (នាង និង Selena)មិនអីនោះទេ។ ខ្ញុំមានអារម្មណ៍ល្អណាស់ហើយខ្ញុំក៏សប្បាយចិត្តដែលបានមកទីនេះ"។
កាលពីខែកញ្ញា ឆ្នាំ ២០១៧មិត្តជិតស្និទ្ធរបស់ Selena រូបនេះបានប្រាប់អ្នកគាំទ្រនាងក្នុងគណនី Instagram ថា៖ "ខ្ញុំពិតជាសប្បាយចិត្តដែលព្រះបានជឿជាក់ខ្ញុំជាមួយនឹងអ្វីដែលមិនត្រឹមតែបានជួយជីវិតមួយនោះទេ ថែមទាំងបានផ្លាស់ប្ដូរខ្លួនរបស់ខ្ញុំទៀត។ នេះជាចំណែកមួយនៃជីវិតរបស់ពួកយើង ហើយពួកយើងនឹងចែករំលែកវាឆាប់ៗនេះ ប៉ុន្តែអ្វីដែលសំខាន់នៅពេលនេះគឺថានេះមិនមែនជារឿងតែមួយនោះទេ"។
ក្រោយមកនៅក្នុងខែដដែលនេះ តារាសម្ដែងរូបនេះក៏បានបើកបង្ហាញស្នាមរបួសពីការវះកាត់ក្រលៀនរបស់នាងនៅលើ Instagram ផងដែរ។ នាងបានបង្ហោះវីដេអូរូបនាងកំពុងហាត់ប្រាណជាមួយនឹងសំណេរខ្លីពីក្រោមនោះថា៖ "សប្បាយចិត្តណាស់ដែលបានត្រឡប់មកវិញ"៕