នាយ ចឺម ឈុតថើបមួយប្រើពេលបីថ្ងៃទើបថតរួចក្នុងរឿង "ខ្មោចអាសង្ហា"
- 2014-11-12 16:00:01
- ចំនួនមតិ 0 | ចំនួនចែករំលែក 0
នាយ ចឺម ឈុតថើបមួយប្រើពេលបីថ្ងៃទើបថតរួចក្នុងរឿង "ខ្មោចអាសង្ហា"
ចន្លោះមិនឃើញ
នាយ ចឺម និយាយថា លោកប្រើពេលបីថ្ងៃទើបអ្នកដឹកនាំឈប់ថត ក្នុងឈុតថើបមួយក្នុងរឿង "ខ្មោចអាសង្ហា"។
តារាកំប្លែងល្បីឈ្មោះក្នុងក្រុមកំប្លែង CTN នាយ ចឺម និយាយ៖"លំបាកហួសបង ឈុតថើបក្នុងរឿង ខ្មោចអាសង្ហាហ្នឹង ព្រោះទាំងខ្ញុំនឹងតួឯកស្រីសុទ្ធតែថ្មីថ្មោងដូចគ្នាមិនដែលសម្ដែងរឿងពីមុនមក"។
នាយ ចឺម ក្នុងពិធីសម្ពោធរឿង "ខ្មោចអាសង្ហា" រសៀលម្សិលមិញ
ខ្សែភាពយន្តបែបកំប្លែងរឿង "ខ្មោចអាសង្ហា" នឹងដាក់បញ្ចាំងក្នុងរោងភាពយន្តទាំង៥នៅរាជធានីភ្នំពេញចាប់ពីថ្ងៃទី ១៣ ខែវិច្ឆិកា ឆ្នាំ ២០១៤ តទៅ។
នាយ ចឺម បន្តថា លោកសប្បាយចិត្តជាខ្លាំងពេលបានសម្ដែងខ្សែភាពយន្តលើកដំបូង ហើយទទួលបានតួឯកជាមួយកញ្ញា សាឡាត់ ស្រីឡាង ដោយដើរតួជា ខ្មោចអាសង្ហា។
ទោះជាការសម្ដែងលើកដំបូងជួបឧបសគ្គច្រើនក្ដីតារាកំប្លែងវ័យក្មេងខាងលើអះអាងថាលោកបានប្រឹងប្រែងជាខ្លាំងជាមួយតារាសម្ដែងជាច្រើនទៀតក្នុងការធ្វើឱ្យសាច់រឿងទាំងមូលទទួលការចាប់អារម្មណ៍ពីទស្សនិកជននៅពេលដាក់បញ្ចាំងលើទីផ្សារ។
ទន្ទឹមនឹងនឹងការជួបឧបសគ្គខ្លះៗនាយ ចើម បានរំពឹងថាខ្សែភាពយន្តខ្លួនសម្ដែងជាតួឯកលើកដំបូងនឹងទទួលការចាប់អារម្មណ៍ច្រើនពីទស្សនិកជន។ យ៉ាងណាក៏ដោយក្នុងនោះលោកក៏ស្នើដល់ទស្សនិកជនចូលរួមទស្សនាផងដែរដើម្បីលើកកម្ពស់ភាពយន្តខ្មែរ។
នាយ ចឺម និងតួឯកស្រីក្នុងពិធីសម្ពោធរឿង ខ្មោចអាសង្ហា
“ខ្ញុំសម្ដែងរឿងលើកដំបូង យ៉ាងណាយ៉ាងណីពុកម៉ែ បងប្អូនជួយគាំទ្រខ្ញុំ ក៏ដូចជាតារាសម្ដែងដទៃទៀតផង"។ នាយ ចឺម បន្ថែម។
រឿង"ខ្មោចអាសង្ហា" ជាវណ្ណកម្មថ្មីមួយទៀតរបស់ផលិតកម្មភូមិពេជ្រភាពយន្តបន្ទាប់ពីរឿង "ព្រាយខ្លា" និងរឿង"វិញ្ញាណម្ចាស់ពូក"។ នេះជាការសម្ដែងតួឯកលើកដំបូងពីសំណាក់នាយ ចើម តារាកំប្លែងល្បីឈ្មោះក្នុងក្រុមកំប្លែង CTN៕ អានអត្ថបទបន្ត៖ លោកតា ប្រាជ្ញ ឈួន ចង់ជួប ព្រាប សុវត្ថិ និង ខេមរៈ សិរីមន្ត !
អានអត្ថបទបន្ត៖ តារាសម្ដែង ស៊ុំ សុម៉ាលី រៀបការជាមួយអ្នកលក់មីឆា
អានអត្ថបទបន្ត៖ លំ សុក្រឹត រៀបការយប់មិញមិនមានគូស្នេហ៍តារាខ្មែរណាធ្វើដូច!
http://youtu.be/IU8ob9u2kqI
អត្ថបទ៖ អ៊ីង សុឡា