សហព័ន្ធវាយកូនឃ្លីលើតុបើកវគ្គបង្វឹកអាជ្ញាកណ្ដាល ចៅក្រម ដើម្បីជំរុញឲ្យដល់អន្តរជាតិ
- 2018-01-19 08:13:07
- ចំនួនមតិ 0 | ចំនួនចែករំលែក 0
សហព័ន្ធវាយកូនឃ្លីលើតុបើកវគ្គបង្វឹកអាជ្ញាកណ្ដាល ចៅក្រម ដើម្បីជំរុញឲ្យដល់អន្តរជាតិ
ចន្លោះមិនឃើញ
សហព័ន្ធវាយកូនឃ្លីលើតុ បើកវគ្គបណ្ដុះបណ្ដាលអាជ្ញាកណ្ដាល ចៅក្រម រយៈពេល៣ថ្ងៃនៅ NOCC ដើម្បីពង្រឹងសមត្ថភាព និងស្វែងរកអ្នកដែលមានកម្រិតល្អជាងគេឆ្ពោះទៅកាន់ការប្រឡងក្លាយទទួលស្គាល់ពីអន្តរជាតិ។
លោក ប៊ុយ សុភ័ណ្ឌ អគ្គលេខាធិការស្ដីទីសហព័ន្ធវាយកូនឃ្លីលើតុបានឲ្យដឹងថា វគ្គបណ្ដុះបណ្ដាលនេះធ្វើឡើងរយៈពេល ៣ថ្ងៃចាប់ពីថ្ងៃទី១៩ ដល់ ២១ ទើបបញ្ចប់ដែលមានគ្រូឧបទេសកម្រិតខ្ពស់បំផុតរបស់អន្តរជាតិមកពីប្រទេសហ្វីលីពីនមកបង្ហាត់ផងដែរ។
អគ្គលេខាធិការខាងលើបន្តថា គោលបំណងធំរបស់សហព័ន្ធបង្កើតឲ្យមានវគ្គបណ្ដុះបណ្ដាលនេះឡើងចង់អាជ្ញាកណ្ដាលថ្នាក់ជាតិ ចៅក្រម ជំនួយការអាជ្ញាកណ្ដាល រួមនិងអតីតកីឡាករដែលចូលរួមនេះមានសមត្ថភាពឈានឡើងបន្ថែមទៀត។ គោលការណ៍សហព័ន្ធឆ្នាំនេះចង់ឲ្យមានអាជ្ញាកណ្ដាល ចៅក្រមកម្រិតអន្តរជាតិឲ្យបាន៣នាក់ ដើម្បីចូលរួមក្នុងព្រឹត្តិការណ៍កីឡាស៊ីហ្គេមនាពេលខាងមុនឆ្នាំ២០១៩នេះ។
សិក្ខាកាមដែលចូលរួមក្នុងវគ្គបណ្ដុះបណ្ដាលនេះមានចំនួន ២៥នាក់ ខ្លះជាអាជ្ញាកណ្ដាល ចៅក្រមថ្នាក់ជាតិ និងខ្លះជាអតីតកីឡាករវាយកូនឃ្លីលើតុផងដែរ ហើយវគ្គនេះនឹងត្រូវបិទបញ្ចប់នាល្ងាចថ្ងៃទី២១ មករា ឆ្នាំ២០១៨នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
