ប្រាក់ ធីវ៉ា តាំងចិត្តជួយក្រុមលើកពានឆ្នាំនេះ ទោះគ្មាន កែវ សុខផេង

2018-01-19 04:32:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើឆ្នើមរបស់ក្លឹបភ្នំពេញក្រោន ប្រាក់ ធីវ៉ា ប្តេជ្ញាជួយក្រុមលើកពាននារដូវកាលនេះ និងធ្វើឲ្យបានល្អជាងរៀមច្បង កែវ សុខផេង ដែលបានចាកចេញទៅកាន់ក្លឹប PKNP F.C លីគកំពូលម៉ាឡេស៊ី សម្រាប់រដូវកាលថ្មី២០១៨ នេះ។

ប្រាក់ ធីវ៉ា

ប្រាក់ ធីវ៉ា បាននិយាយថា ក្រុមភ្នំពេញក្រោនបច្ចុប្បន្នបានកំពុងហ្វឹកហាត់យ៉ាងខ្លាំង ដើម្បីត្រៀមប្រជែងលីគកំពូលរដូវកាលថ្មីនេះ។ ការចាកចេញរបស់ កែវ សុខផេង បានក្លាយជាឱកាសដ៏ល្អមួយសម្រាប់រូបគេបង្ហាញសមត្ថភាព។

ធីរ៉ា បញ្ជាក់ថា នឹងប្រឹងប្រែងជួយក្លឹបឲ្យកាន់តែខ្លាំងរហូតដល់លើកពានសម្រាប់រដូវកាលនេះ។ អ្វីដែលពិសេសគឺប្រឹងប្រែងធ្វើឲ្យបានល្អជាងឆ្នាំមុន ពោលនឹងធ្វើឲ្យបានល្អជាងកំឡុងពេលមានវត្តមានរបស់ កែវ សុខផេង ទៀតផង។

ការប្រកួតលីគកំពូលកម្ពុជា នឹងចាប់ផ្ដើមនាថ្ងៃទី៣ ខែមីនា ឆ្នាំ២០១៨ ដោយក្រុមនីមួយៗក្នុងលីគកំពូលកម្ពុជា ត្រូវមានទីលានផ្ទាល់ខ្លួន ពោលគឺមិនអនុញ្ញាតឲ្យប្រើពហុកីឡដ្ឋានជាតិធ្វើជាម្ចាស់ផ្ទះទៀតឡើយ៕