Jessie J ទៅចូលរួមកម្មវិធីប្រឡងចម្រៀងនៅប្រទេសចិន?
- 2018-01-26 08:30:00
- ចំនួនមតិ 0 | ចំនួនចែករំលែក 0
Jessie J ទៅចូលរួមកម្មវិធីប្រឡងចម្រៀងនៅប្រទេសចិន?
ចន្លោះមិនឃើញ
កំពូលតារាចម្រៀងពូកែស្រែក Jessie J ជាតារាល្បីឈ្មោះប្រចាំចក្រភពអង់គ្លេស និងទទួលបានពានរង្វាន់ជាច្រើនក្នុងអាជីពសិល្បៈរបស់នាង បែរជាបង្ហាញខ្លួនជាបេក្ខនារីក្នុងកម្មវិធីប្រឡងចម្រៀងនៅប្រទេសចិនទៅវិញ។
តារាចម្រៀងមកទីក្រុងឡុងរូបនេះ បានធ្វើឲ្យអ្នកគាំទ្រភ្ញាក់ផ្អើលជាខ្លាំង ដោយធ្វើជាបេក្ខនារីប្រឡងចម្រៀងទៅវិញ នៅក្នុងកម្មវិធីបង្ហាញសមត្ថភាពច្រៀង នៅទីក្រុងប៉េកាំងប្រទេសចិន។
វីដេអូឃ្លីបនាងច្រៀងបទ "I Have Nothing” របស់តារាចម្រៀង Whitney Houston បានបង្ហាញខ្លួនលើបណ្ដាញសង្គម Twitter ធ្វើឲ្យអ្នកគាំទ្រនាងជាច្រើនស្រឡាំងកាំង។
តាមពិតកម្មវិធីនេះគឺជាកម្មវិធីប្រឡងចម្រៀង របស់ប្រទេសចិនមួយដែលអនុញ្ញាតិឲ្យតារាចម្រៀងអាជីព ពីគ្រប់កន្លែងទូទាំងពិភពលោក ឲ្យចូលរួម។ តារាចម្រៀង Jessie J គឺជាបេក្ខនារីមកពីចក្រភពអង់គ្លេសដំបូងបំផុត ដែលចូលរួមក្នុងកម្មវិធីនេះ។
ចំពោះសំនួរដែលសួរនាងថា ហេតុអ្វីបានជានាងចូលរួមកម្មវិធីប្រឡងចម្រៀងនៅកន្លែងដែលមិននិយាយភាសាអង់គ្លេស? Jessie ឆ្លើយតបថា នាងចង់ចូលរួមកម្មវិធីនេះដោយធ្វើតាមបេះដូងរបស់នាង។ ពេលនេះនាងមានវ័យ ២៩ឆ្នាំ ពោលគឺជិត ៣០ឆ្នាំទៅហើយ ដូច្នេះនាងចង់ធ្វើអ្វីថ្មីៗចាត់ទុកជាការដកពិសោធន៍។
ជាលទ្ធផល Jessie J បានក្លាយជាបេក្ខនារីជ័យលាភីជាផ្លូវការ ដោយនាងបានច្រៀងបទ "I Have Nothing" នៅចុងកម្មវិធី។
ម្ចាស់បទ "Price Tag" នេះនិយាយថា បទចម្រៀងនេះគឹជាបទសំណព្វរបស់នាងតាំងពីអាយុ ៤ឆ្នាំមកម្ល៉េះ៕
អានអត្ថបទ៖
អស់សំណើច! អ្នកកាត់តទស្សនាវដ្ដី Vanity Fair ខុសបច្ចេកទេសឃើញដៃ៣ជើង៣
កម្មវិធី Grammy Awards ឆ្នាំ២០១៨ នឹងតុបតែងដោយកុលាបពណ៌សជាច្រើនព្រោះមូលហេតុមួយ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
