ព័ត៌មាន និងព្រឹត្តិការណ៍សំខាន់ៗកើតឡើង កាលពីសប្ដាហ៍មុន

2018-03-05 02:27:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹកនេះ Sabay សូមបង្ហាញព័ត៌មានសំខាន់ៗ និង ព័ត៌មានដែលមានអ្នកមើលច្រើនកាលពីសប្ដាហ៍មុន។ តើព័ត៌មានទាំងនោះមានអ្វីខ្លះ? ចូរមើលអត្ថបទខាងក្រោមនេះ៖

ព័ត៌មានសង្គម

១. ក្រុង និងខណ្ឌចំនួន៧ បានទទួលជយលាភីជាទីក្រុងស្អាតជាងគេ៖ កាលពីថ្ងៃ២៨មីនា សប្ដាហ៍មុន ក្រសួងទេសចរណ៍ បានប្រគល់ពានរង្វាន់ផ្ការំដួល៣ទង ២ទង និង១ទង ទៅឲ្យបណ្ដាក្រុងមួយចំនួនក្នុងប្រទេសកម្ពុជា ក្នុងកម្មវិធីការប្រឡងប្រណាំងទីក្រុងស្អាតលើកទី២។ មានក្រុង និងខណ្ឌចំនួន៧ ដែលបានទទួលជយលាភីជាទីក្រុងស្អាតជាងគេក្នុងនោះមានដូចជា ក្រុងបាត់ដំបង កែប កំពត សៀមរាប កំពង់ចាម និងក្រុងព្រះសីហនុ ព្រមទាំងខណ្ឌដូនពេញ ដោយទទួលបានពានរង្វាន់ផ្ការំដួលចំនួន ៣ទង។

ព័ត៌មានលម្អិត៖ អ្វីទៅផ្ការំដួល៣ទង ២ទង ១ទង បានទៅលើក្រុងមួយនៅកម្ពុជាម្សិលមិញ?

២. ហែអ្នកតាចិនស្ទះពេញផ្សារអូរឫស្សី៖ ថ្ងៃចន្ទទី២ ខែមីនាចុងសប្ដាហ៍មុនប្រជាពលរដ្ឋដែលមានសែស្រឡាយ ចិន-វៀតណាម បាននាំគ្នាប្រមូលផ្ដុំគ្នារាប់ពាន់អ្នករៀបចំពិធីហែអ្នកតាចិន-វៀតណាម នៅផ្លូវមួយនៅខាងកើតផ្សារអូរឫស្សី។ ពិធីហែអ្នកតាចិននេះ ត្រូវបានរៀបចំឡើងជារៀងរាល់ឆ្នាំបន្ទាប់បុណ្យចូលឆ្នាំប្រពៃណីចិនរួច។ ជំនឿរបស់ប្រជាជនចិន-វៀតណាម ចំពោះពិធីហែអ្នកតានេះគឺ ជឿថាការរៀបចំពិធីហែអ្នកតានេះ ដើម្បីកាត់គ្រោះចង្រៃទាំងឡាយឆ្នាំចាស់ចេញពីផ្ទះកន្លែងរកស៊ីរបស់គេចេញ និងទទួលបានលាភហេងចូលផ្ទះវិញ។

ព័ត៌មានលម្អិត៖ អ្នកតាចិនលេងក្បាច់សាហាវៗ ផ្អើលអស់មួយផ្សារអូឫស្សីព្រឹកមិញ

ព័ត៌មានបច្ចេកវិទ្យា

១.Galaxy S9 និង Galaxy S9+ មានវត្តមាននៅកម្ពុជា៖ បន្ទាប់ពីបញ្ចប់ព្រឹត្តិការណ៍បង្ហាញចេញ Galaxy S9 និង Galaxy S9+ ផ្លូវការនៅទីក្រុងបាសេឡូណា ប្រទេសអេស្ប៉ាញកាលពីយប់ថ្ងៃទី ២៥ មីនា ស្មាតហ្វូនជំនាន់ចុងក្រោយរបស់ Samsung ស្រាប់តែលេចមុខនៅកម្ពុជា ក្នុងកម្មវិធី Media First Look កាលពីចុងសប្ដាហ៍មុន។ ក្រុមហ៊ុននឹងបើកឲ្យកុម្ម៉ង់ទិញចាប់ពីថ្ងៃទី៣ មីនា ជាមួយតម្លៃ Galaxy S9+ មានពណ៌ខ្មៅ ទឹក8សមុទ្រ ស្វាយ ជាមួយតម្លៃ 128 GB = ៩៤៩ដុល្លារ និង 256 GB = ៩៩៩ដុល្លារ ហើយចំពោះ S9 មានពណ៌ទឹកសមុទ្រ និងពណ៌ស្វាយ ជាមួយតម្លៃ 128 GB = ៨៥៩ដុល្លារ ។

ព័ត៌មានលម្អិត៖ ប្រៀបធៀបល្បឿន S9+ ជាមួយ iPhone X លទ្ធផលភ្ញាក់ផ្អើលបំផុត

ព័ត៌មានកម្សាន្ត

១.តារាកំប្លែងនាយ ចយ ចូលរោងការ៖ ក្រោយស្គាល់ចិត្តស្គាល់ថ្លើមកូនក្រមុំអ្នកពោធិ៍សាត់នាង ខ្វាន់ ឌី រយៈពេលជាង១ឆ្នាំ តារាកំប្លែងនាយ ចយ សម្រេចចូលរោងការដែលមានភ្ញៀវចូលរួម ៣០តុបូកទាំងមិត្តរួមអាជីព។ ក្នុងពិធីមង្គលតារាកំប្លែងនេះសម្ដេចតេជោ ហ៊ុន សែន ក៏ចងដៃគូស្នេហ៍មួយគូនេះចំនួន ១ម៉ឺនដុល្លារផងដែរ។

ព័ត៌មានលម្អិត៖ ពិតជាកក្រើកមិនធម្មតា! មង្គលការនាយចយ ល្បីខ្លាំងដល់ថៃទៀត

ព័ត៌មានកីឡា

១.លីគកំពូលកម្ពុជារដូវកាល២០១៨ ចាប់ផ្តើមប្រកួត៖ ការប្រកួតលីគកំពូលកម្ពុជារដូវកាល២០១៨ ចាប់ផ្ដើមប្រកួតពីថ្ងៃទី៣ មីនាចុងសប្តាហ៍មុន។ ក្រុមចូលរួមប្រកួតមាន១២ក្រុម ក្នុងនោះរួមមាន ក្រុមអង្គរថៃហ្គ័រ, អាស៊ីអឺរ៉ុប, បឹងកេត, អគ្គិសនីកម្ពុជា, ណាហ្គាវើល, ក្រសួងការពារជាតិ, អគ្គស្នងការនគរបាលជាតិ, ភ្នំពេញក្រោន, ព្រះខ័នរាជស្វាយរៀង, វេស្ទើន, សូទីឡូអង្គរ, និងក្រុមបាល់ទាត់វិសាខា។

២.FFC បញ្ចេញតួលេខចំណូលចំណាយឆ្នាំ២០១៧៖ មហាសន្និបាតបូកសរុបការងារប្រចាំឆ្នាំ២០១៧ និងដាក់ទិសដៅឆ្នាំ២០១៨នៅសណ្ឋាគារភ្នំពេញដើមសប្ដាហ៍មុនFFCបានបង្ហាញពីចំណូល និងចំណាយរបស់ខ្លួនចំនួន៣ឆ្នាំ។

ចំណូលចំណាយឆ្នាំ២០១៧