Ariana Grande ភ្លាត់ស្នៀតជ្រុះខ្សែកពេជ្រតម្លៃខ្ទង់ម៉ឺនដុល្លារលើឆាកសម្ដែង
- 2018-05-24 05:00:00
- ចំនួនមតិ 0 | ចំនួនចែករំលែក 0
Ariana Grande ភ្លាត់ស្នៀតជ្រុះខ្សែកពេជ្រតម្លៃខ្ទង់ម៉ឺនដុល្លារលើឆាកសម្ដែង
ចន្លោះមិនឃើញ
កាលពីថ្ងៃអាទិត្យសប្ដាហ៍មុននេះ តារាចម្រៀង Ariana Grande បានសម្ដែងនៅលើឆាកតន្ត្រី Billboard Music Awards ហើយបានជ្រុះខ្សែកមួយខ្សែតម្លៃថ្លៃខ្លាំង ប៉ុន្តែអ្នកទស្សនាជាច្រើនមិនបានចាប់អារម្មណ៍។
បន្ទាប់ពីនាងបានសម្ដែង២ទៅ៣នាទី ខ្សែករដែលបានពាក់ដោយម្ចាស់បទ "No Tears Left to Cry” ស្រាប់តែជ្រុះបាត់រកមិនឃើញ។ ខ្សែកនេះជាផលិតផលរបស់ក្រុមហ៊ុនអលង្ការ Djula ដែលមានតម្លៃដល់ទៅ ១៦ម៉ឺន៩ពាន់ដុល្លារ។ ហេតុដូច្នេះហើយទើបក្រុមការងារនាង នាំគ្នាសស្រាក់សស្រាំស្វែងរកខ្សែកពេជ្រនោះគ្រប់គ្នាខណៈពេលនាងសម្ដែងចប់។
បើយោងទៅតាមអ្នកតំណាងក្រុមហ៊ុនអលង្ការនោះបានឲ្យដឹងថា ខ្សែកនោះមានបញ្ហាពេល Ariana ពាក់ ដែលជាហេតុបណ្ដាលឲ្យវាជ្រុះដោយមិនដឹងខ្លួន ខណៈពេលនាងកំពុងតែសម្ដែងលើឆាក។ សំណាងល្អ ដែលក្រុមសន្តិសុខអាចរកឃើញខ្សែកនេះ នៅជ្រុងមួយនៃឆាកសម្ដែង។
ទោះជាយ៉ាងណាក៏ដោយ អ្នកតំណាងនោះមិនបានប្រាប់ពីប្រវែងខ្សែកនោះទេ គ្រាន់តែដឹងថាវាមានទំហំ ៤៥ការ៉ាត់៕