តៃវ៉ាន់ផ្គើនចិន បើកសមយុទ្ធយោធាទ្រង់ទ្រាយធំប្រចាំឆ្នាំ

  • 2018-06-08 02:57:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

តៃវ៉ាន់​បាន​បើក​សម​យុទ្ធ​យោធា​ទ្រង់ទ្រាយធំ​មាន​ទាំង​យន្តហោះ​គ្មាន​មនុស្ស​បើក​កាល​ពី​ថ្ងៃ ព្រហស្បតិ៍​ម្សិលមិញ​ក្រោយ​មាន​ភាព​តានតឹង​ខ្លាំង​ជា​មួយ​ចិន។

សម​យុទ្ធ​យោធា​នេះ ដឹក​នាំ​ដោយ​ប្រធានាធិបតី​តៃវ៉ាន់​លោក​ស្រី Tsai Ing-wen និង​ត្រូវ​ឃ្លាំ​មើល​ដោយ​ស្ដេច​នៃ​ប្រទេស eSwatiniទៀត​ផង។ យោង​តាម​លោក​ស្រី Tsai ឲ្យ​ដឹង​ថា "ប្រសិទ្ធ​ភាព​ប្រយុទ្ធ​របស់​កង​កម្លាំង​ប្រដាប់​អាវុធ គឺ​ជា​ការ​ធានា​ដល់​សន្តិសុខ​ជាតិ​របស់​យើង។ វា​គឺ​ជា​មូលដ្ឋាន​រីក​លូត​លាស់​នៃ​សង្គម និង​ជា​កម្លាំង​បម្រុង​ទុក​សម្រាប់​តម្លៃ​លទ្ធិ​ប្រជាធិបតេយ្យ និង​សេរីភាព​របស់​យើង។"

(លោកស្រី Tsai Ing-wen)

គួរឲ្យ​ដឹង​ថា សម​យុទ្ធ​យោធា​នេះ​ត្រូវ​បាន​ធ្វើ​ឡើង​ក្រោយ​ពេល​ដែល​ចិន ធ្វើ​សមយុទ្ធ​យោធា​ដូច​គ្នា​ជា​បន្ដ​បន្ទាប់​នៅ​ជិត​កោះ​ក្នុង​រយៈ​ពេល​ប៉ុន្មាន​ខែ​នេះ ដែល​តៃវ៉ាន់​ប្រកាស​ថា​នេះ​ជា​ការ​បំភិត​បំភ័យ​របស់​ចិន៕

ចុចអាន ៖

ប្រភព៖ Reuters   ប្រែសម្រួល ៖ រ័ត្ន